Ölkə futbolu
İranla oyuna görə seçilən millimiz
Qətər millisi martın 9-da Azərbaycan yığması ilə yoldaşlıq m…
Qətər millisi martın 9-da Azərbaycan yığması ilə yoldaşlıq matçı keçirəcək. Futbolinfo.az xəbər verir ki, rəqib komandanın baş məşqçisi Jorje Fossati bu görüşlə bağlı açıqlama verib.
64 yaşlı mütəxəssis millimizə qarşı hazırlıqlarından danışıb: “Hazırda yaxşı vəziyyətdəyik. Azərbaycanla oyuna tam hazırıq. Hər şeyi nəzərə almışıq. Qarşılaşma bizim üçün əhəmiyyətlidir. Dünya çempionatının seçmə mərhələsinə hazırlıq baxımından bu oyun bizim üçün çox vacibdir. İrana qarşı oyunda heyəti Azərbaycanla qarşılaşmaya görə təyin edəcəm. Bu matçda əsas oyunçulara yəqin ki, 60-70 dəqiqə şans verəcəm. Azərbaycan millisi fiziki cəhətdən İran və Özbəkistan yığmalarına oxşayır. Bu səbəbdən onlarla qarşılaşacağıq”.
Qeyd edək ki, Qətər və Azərbaycan milli komandaları arasında "Al Sadd" stadionunda keçiriləcək oyun Bakı vaxtı ilə 20:00-da start götürəcək.