AZAL hər yerdə sonuncudu!

Avropanın ən yüksək reytinqli 15 milli çempionatı ilə bağlı maraqlı araşdırma aparılıb. Futbolinfo.az "Apasport"a istinadla xəbər verir ki, həmin ölkələrdə yüksək liqaların ən az azarkeşə malik klubunun adı açıqlanıb.

Ev oyunlarını ən az azarkeş qarşısında keçirən komanda “Atromitos”du. Yunanıstan təmsilçisinin orta hesabla bir matçına 582 fanat gəlir. Ukrayna “Stal”ı bu baxımdan ikinci, Portuqaliya “Aruka”sı isə üçüncüdü.
 
Türkiyə Superliqasında mübarizə aparan “Kasımpaşa”nın hər oyununu təxminən 1716 nəfər tribunadan izləyir. “Böyük beşlik” ölkələrindən ən diqqətçəkəni “Monako”du. Hazırda Fransa Liqa 1-nə liderlik edən Knyazlıq təmsilçisinin ev matçlarına orta hesabla 8842 azarkeş toplaşır ki, bu da Avropada olduqca aşağı göstərici sayılır.
 
Azərbaycan Premyer Liqasının autsayderi AZAL-ın azarkeş sayı hətta “Atromitos”dan da azdı. Həmçinin, “İnter” və “Zirə”nin də ev matçlarındakı tamaşaçı sayı 1000-ə çatmır. Azərbaycanın digər elita təmsilçiləri də Avropanın ən “zəif”lərindən heç də yaxşı durumda deyillər. Yalnız “Kəpəz” azarkeş sayına görə, bəzi ölkələrin az azarkeş toplayan klublarını qabaqlayır. Maraqlıdı ki, onlar arasında A seriyası təmsilçisi “Krotone”, La Liqada çıxış edən “Eybar” da var.
 
Ən reytinqli 15 çempionatın ən az azarkeşə malik klubu:
“Atromitos” (Yunanıstan) – 582 azarkeş (orta hesabla hər oyunda)
“Stal” (Ukrayna) – 957
“Aruka” (Portuqaliya) – 1469
“Kasımpaşa” (Türkiyə) – 1716
“Xradeç” (Çexiya) – 2362
“Admira” (Avstriya) – 2518
“Muskron” (Belçika) – 3337
“Luqano” (İsveçrə) – 3574
“Ekselsior” (Hollandiya) – 3970
“Orenburq” (Rusiya) – 5158
“Eybar” (İspaniya) – 5288
“Krotone” (İtaliya) – 6922
“Monako” (Fransa) – 8842
“Bornmut” (İngiltərə) – 11173
“İnqolştadt” (Almaniya) – 14603
 
Azərbaycan klublarının göstəriciləri:
AZAL – 405
“İnter” – 825
“Zirə” – 864
“Neftçi” – 1170
“Sumqayıt” – 1354
“Qəbələ” – 1442
“Qarabağ” – 1460
“Kəpəz” – 7264