Zaur Svanadze: "Heç-heçəyə layiq idik"

"İnter"in baş məşqçisi Zaur Svanadze Azərbaycan Premyer Liqasının 23-cü turu çərçivəsində "İnter"ə qarşı keçirdikləri oyunu şərh edib. Futbolinfo.az xəbər verir ki, "bankirlər"in gürcü çalışdırıcısı 1:2 hesabıyla bitən qarşılaşmadan sonra bunları söyləyib:

– Novruz bayramı münasibətilə sizi, qələbə və 80 illiyi münasibətilə rəqibi təbrik edirəm. Komandam pis oynamadı. İlk yarıda ərazi üstünlüyü rəqibdə idi, təhlükəli ötürmələri olurdu, amma ciddi qol şansları yaxalamırdılar. Fasilədən sonra üstün olsaq da, alınmadı. Heç-heçəyə layiq idik. "Neftçi” bizim üçün narahat rəqibdi.

– Baş məşqçi kimi özünüzdə nə səhv görürsünüz?
– Sadəcə, bəxtimiz gətirmədi.

– Sanki komandanız məşqlərdə hücum üzərində elə də çox işləmir. Hücuma çıxanda cinahlarda problem yaşayırdız…
– Taktiki baxımdan hər şey qaydasındadı. 2 ildi bu cür oynayırıq, ola bilər texniki səhvlərimiz olub. Həmçinin, ehtiyat oyunçularımızın sayı azdı.

– Səlahətin yoxluğunun rəqibə nə dərəcədə nə xeyri oldu?
– O, bizim əsas qapıçımızıdı. Mümkündü ki, o da çərçivədə oslaydı, qol buraxardı. 

– Namiq Əlsəgərov “Qarabağ”dan “Neftçi”yə keçəndə söz verildi ki, sabiq klubuna qarşı oynamayacaq. Niyə Ruslan Abışovda belə şərt qoyulmadı?
– Ruslanın “Neftçi”yə keçidi Türkiyədə baş tutsa da, məsələ Bakıda həll olundu. Belə bir razılaşma olmadı.

– Siz futbolçu kimi “Neftçi”yə qarşı oynamısınız. İndiki ilə əvvəlki komanda arasında fərq nədi?
– “Neftçi”yə qarşı oyunlarımız çətin olurdu, əsasən də Bakıda. Müqayisə etmək çətindi. İndiki “Neftçi” yeni komandadı. Onlar yaxşı komanda olacaq.

– Maaşlar ödənilib?
– Yanvarın məvacibi ödənilib, fevralı isə bu ayın sonu verəcəklər.

ELMAR ABDULLA-ZADƏ