Ölkə futbolu
UEFA Rusiyanın Azərbaycana rəqib olmasına imkan vermədi
Rusiya 2018/2019 mövsümündə UEFA klub yarışlarının…
Rusiya 2018/2019 mövsümündə UEFA klub yarışlarının finallarından heç birinə iddia edə bilməyəcək. Futbolinfo.az "Apasport" istinadla xəbər verir ki, bu barədə açıqlamanı UEFA-nın baş katibinin müavini Corcio Marketti verib.
Belə ki, 2019-cu ildə Çempionlar Liqası və Avropa Liqası, həmçinin qadın futbolçuların analoji yarışı və UEFA Superkuboku finallarının keçirilmə yerinin müəyyənləşdirilməsi 9 dekabr 2016-cı ildə başlayıb. Assosiasiyalar ilkin marağını 27 yanvar 2017-ci ilə qədər bildirmək hüququna malik olublar. Sifarişlər isə bu il iyunun 6-na qədər təqdim edilməlidi.
Maraqlıdı ki, Rusiya da Çempionlar Liqasının finalına iddia edib. Lakin onların bu istəklərinin hələlik həyata keçməyəcəyi məlum olub. Marketti bildirib ki, Çempionlar Liqasının finalına yalnız 2 arena iddia edir. Bunlar Bakının Olimpiya və Madridin “Metropolitano” stadionlarıdı. Sentyabrda UEFA İcraiyyə Komitəsi bunların arasında seçim edəcək.
Baş katibinin müavini vurğulayıb ki, artıq yeni namizədlərin qəbulu mümkün deyil: “Final oyunlarının keçirilməsinə yalnız fevralda açıqladığımız şəhərlər iddia edəcəklər. Yeni namizədlərin qəbulu qeyri-mümkündü. Unutmayın ki, Rusiya 2018-ci ildə dünya çempionatını qəbul edəcək. Bundan sonra isə Sankt-Peterburqda Avro-2020-nin bir neçə oyunu təşkil olunacaq. Rusiya bu cür möhtəşəm tədbirlərin təşkilatçısı rolunda çıxış edir”.
Qeyd edək ki, Azərbaycan Bakı Olimpiya Stadionunun 2019-cu ildə keçiriləcək Avropa Liqasının finalı üçün də namizədliyini irəli sürüb.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…