Milli komanda
Dəniz Yılmaz: "Qrupdan çıxacağımıza inanırıq"
"Almaniya çox yaxşı komandadır. Dünya və Avropa &…
"Almaniya çox yaxşı komandadır. Dünya və Avropa çempionu olan komandaya qarşı oynadıq. Onlara qarşı mübarizə aparmaq asan deyil”. Futbolinfo.az xəbər verir ki, bu sözlər millimizin futbolçusu Dəniz Yılmaza məxsusdu.
Milli komandamız DÇ-2018-in seçmə mərhələsi çərçivəsində öz meydanında Almaniyaya uduzdu – 1:4. Matçdan sonra əməkdaşımızın suallarını cavablandıran “Bursaspor”un futbolçusu fikirlərini bildirib: “Deməzdim ki, komanda yoldaşlarımı başa düşməkdə çətinlik çəkirdim”.
D.Yılmaz bildirib ki, matça start heyətdə başlamadığı üçün baş məşqçidən narazı deyil: “Yox, heç bir narazılığım yoxdu. Baş məşqçi necə qərar verirsə, ona da hörmət edirəm. Azərbaycan millisini seçdiyimə görə peşman deyiləm”.
Futbolun sirlərini Almaniyanın “Bavariya” klubunda öyrənən Yılmaz sabiq komanda yoldaşı Tomas Müllerlə oyunun gedişində olan dialoqundan danışıb: “Dəyişən bir şey yoxdu. Müller dostumdu, “Bavariya”da bir yerdə oynamışıq. Yaxşı anlaşırıq, dialoqumuz da dostluqdan irəli gəlirdi”.
Dəniz millimizin qrupdan çıxmaq şansını da dəyərləndirib: “Pozitiv düşünürük. İrəlidə oyunlarımız var və inanırıq ki, qrupdan çıxa biləcəyik”.
ELMAR ABDULLA-ZADƏ
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü