Müsahibə
"Çempionatın qırılma nöqtəsi "Qəbələ"nin 4 oyuna 3 heç-heçə etməsi oldu"
"Qarabağ" Premyer Liqada 2016/17 mövsümün&uu…
"Qarabağ" Premyer Liqada 2016/17 mövsümünün sonuna 2 tur qalmış çempionluğu təmin edib. Futbolinfo.az xəbər verir ki, Ağdam klubu bunu Premyer Liqanın 26-cı turunda "İnter"lə səfər matçında (0:3) reallaşdırıb.
Matçdan sonra "Qarabağ"ın kapitanı Rəşad Sadıqov əməkdaşımızın da suallarını cavablandırıb:
– Çox sevindirici haldı ki, çempion olduq. Bu il bu uğuru qazanmaq çox çətin oldu. "Qəbələ" də çox gözəl və layiqli mübarizə apardı. Hər iki komanda çempionluğa layiq idi. Sonda biz daha dəqiq olduq və lazım olan xalları qazandıq.
– "Qəbələ"nin Gəncədə uduzacağını gözləyirdiz?
– Bu haqda qəti düşünmürdük. Bunu gözləmirdik. Oyundan əvvəl paltardəyişmə otağında bildik ki, "Qəbələ" uduzub. Bizim üçün bu, motivasiya oldu. Çempion ola bilərdik. "İnter"lə də aramızda idman prinsipi var idi. Bu mövsüm bu rəqibi məğlub edə bilməmişdik. Çox ciddi hazırlaşmışdıq. Şükürlər olsun ki, həm qələbə qazandıq, həm də çempion olduq.
– "İnter"dən revanş almaq üçün alışıb-yanırdız?
– Qəti olaraq onlardan revanş almaq fikrimiz yox idi. "İnter" çətin günlər keçirsə də çempionata rəng qatır, gözəllik verir. Oyun belə alındı. Bizdə belə istək yox idi ki, rəqibdən qisas alaq.
– Hansı çempionluq daha şirindi?
– Hamısının öz yeri var. Bu, daha çətin qazanıldı. Bu mövsüm çox çətinliklər yaşadıq. İtkilərimiz də çox oldu. Çempionatın qırılma nöqtəsi "Qəbələ"nin 4 oyuna 3 heç-heçə etməsi oldu. Halbuki, bizdən 6 xal öndə idilər. Çətin çempionluq oldu. Fikirləşməzdim ki, sona 2 tur qalmış çempion olacağıq.
– "Qızıl dubl" edə biləcəksiz?
– Heç vaxt qarşımıza məqsəd qoyulmayıb. Daha da inkişaf etmək və irəli getmək istəyirik. Əsas gözəl oyun nümayiş etdirməkdi.
– Artıq Çempionlar Liqası barədə düşünmək olar?
– Kubokun finalından sonra düşünmək olar.
– "Kəpəz" qalib gəlməklə "Qarabağ"a kömək etdi. Növbəti 2 turda onların borcunu qaytarmaq fikriniz var?
– Avrokuboklara vəsiqə qazanmağa hazırda 4-5 komandanın şansı var. Həmişə olduğu kimi öz oyunumuzu oynayacağıq.
ELMAR ABDULLA-ZADƏ
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 15:38
AFFA 6 kluba lisenziya verdi
- I Liqa2024-05-15 16:12
Məmmədov: “Premyer Liqaya vəsiqə qazanmasaq, bizim üçün faciə sayılacaq”
- Müsahibə2024-05-15 08:00
Xvalko qərarını verməyib: “Həmin anda nəsə deməyin xeyri olmayacaqdı”