Millimizin üzvü Almaniyada rekorda imza atdı

Almaniyanın "Ersgebirge" klubunda çıxış edən Azərbaycan millisinin yarımmüdafiəçisi Dimitri Nazarov rekord müəllifi olub. Futbolinfo.az xəbər verir ki, bu, ikinci Bundesliqanın 31-ci turunun oyunlarından sonra baş verib. 

Doğma meydanda "Vuersburger Kikkers"ə qarşı keçirilən oyunun 10-cu dəqiqəsində penaltidən fərqlənən yarımmüdafiəçi komandanın tarixində 11 metrlik cərimə zərbələrini ən dəqiq yerinə yetirən iki futbolçudan biri olub.

Mövsümdə buna qədər 6 dəfə penaltini dəqiq yerinə yetirən futbolçu yalnız klubun əfsanələrindən olan Erler Olgerdən geri qalırdı. O, 1980/81-ci il mövsümündə 7 penalti qolunun müəllifi olub. Nazarov ötən gün keçirilən oyunda vurduğu qolla klub tarixində 36 ildən sonra bir mövsümdə 11 merlik cərimə zərbəsini 7 dəfə dəqiq yerinə yetirən ilk futbolçu olub.
 
Qeyd edək ki, Nazarov cari mövsüm ərzində 25 oyunda 9 qol vurub.