Ölkə futbolu
Başçının qəzəbi, yoxsa kateqoriya problemi?
“Kəpəz” çalışdırıcısı ilə yollarını ayı…
“Kəpəz” çalışdırıcısı ilə yollarını ayırıb. Futbolinfo.az xəbər verir ki, gəncəlilər daha köməkçi məşqçi Fizuli Allahverdiyevin xidmətində maraqlı deyil.
Buna səbəb məşqçinin müvafiq kateqoriyasının olmamasıdı. O, AFFA-nın təşkil etdiyi B kateqoriyalı məşqçi kurslarına göndərilsə də, bu sınaqdan uğursuz çıxmışdı. Məhz bu səbəbdən rəhbərlik onu komandada saxlamaqda maraqlı deyil.
Gəncə klubundan verilən bu aydınlatma məntiqlidi. Amma maraqlıdı ki, o, eyni statusla artıq 2 ildi klubda çalışırdı. Deməli, vidalaşmanın əsl səbəbi bu deyil.
Bizdə olan bilgiyə görə, Füzuli bəy qardaşına görə komandadan uzaqlaşdırılıb. Sabiq icraçı direktor Mehman Allahverdiyev hələ mövsümün gedişində postundan göndərilmiş, daha sonra ona yaxın olan digər şəxslər (Nofəl Əzizov, Tahir Mirzəyev və başqaları) işdən çıxarılmışdı. Füzuli bəy də hələ bir neçə ay öncə eyni aqibəti yaşamalıydı. Sadəcə, baş məşqçi Şahin Diniyev mövsümün sonuna kimi onu qorumağı bacardı.
Mehman Allahverdiyevin və ona yaxın adamların “Kəpəz”dən göndərilməsi isə təsadüfi deyil. Sabiq icraçı director klubun Müşahidə Şurasının sədri Elmir Vəliyevin atasının – Gəncə icra başçısı Elmar Vəliyevin qəzəbinə tuş gəlib. Vəliyevlərin əleyhinə təbliğat aparmaqda günahlandırılan, hətta bu haqda danışdıqlarının audioyazısı Vəliyevə təqdim olunan Allahverdiyev indi bunun əziyyətini çəkir.