Ölkə futbolu
"Səbail" Mikayıl Cabbarovun nəzarətinə keçir?
"Səbail"in Müşahidə Şurasının (MŞ) heyətində d…
"Səbail"in Müşahidə Şurasının (MŞ) heyətində dəyişiklik baş verib. Klubun fəaliyyətə başladığı ilk günlərdən MŞ-nin üzvü olan Təbriz Həsənov və Tural Əsədov rəhbərliyə müraciət edərək, işlərinin çoxluğu səbəbindən şuradan xaric olunmalarını xahiş edib. "Səbail" rəhbərliyi müraciətləri müsbət dəyərləndirərək, klubun adından Təbriz Həsənova və Tural Əsədova səmərəli fəaliyyətlərinə görə təşəkkürünü bildirib, gələcək işlərində uğurlar arzulayıb.
Təhsil Nazirliyinin Məktəbdənkənar fəaliyyətin təşkili şöbəsinin müdiri Vasif Məmmədov və Bakıda fəaliyyət göstərən "Mançester Yunayted Futbol Məktəbi"nin məşqçisi Cahangir Həsənzadə Müşahidə Şurasının üzvü təyin olunublar.
Bu dəyişikliklər çox maraqlıdı… "Səbail" əl dəyişirmi? Hər halda, belə görünür. AFFA prezidenti Rövnəq Abdullayevin oğlu Rəşad Abdullayevin MŞ sədri postundan istefa verməsindən sonra Vasif Məmmədovun üzvlüyə gətirilməsi, Həsənovun "öz xoşu ilə" getməsi bağlı qapılar arxasında sürpriz hazırlanmasından xəbər verir.
Yeni sədrin kim olacağı bu görüşmələrin davamında müəyyənləşəcək. Bir o bəllidi ki, Məmmədov sıradan biri deyil, təhsil naziri Mikayıl Cabbarova çox yaxındı. Cabbarov bu şəxsi hələ 2014-cü ildə "Zirə"nin rəhbərliyinə gətirmək istəyirdi. Klub onda "Vətən" adlanmalı, təsisçilik payı 2 sponsor arasında bərabər bölünməli idi.
Bəs Məmmədov hara, "Səbail" hara? İş ondadı ki, Premyer Liqanın debütantı nə yoğurub, nə yapıb, hazırca kökə tapıb. AFFA I divizionda 2-ci pilləni tutan klubu Təhsil Nazirliyinin sayəsində lisenziyalaşdırma prosedurunda irəli salıb.
Nazirliyin nəzdində fəaliyyət göstərən "Vətən" idman məktəbi "Səbail"in ixtiyarına verilib. Onlar yeni mövsümdən etibarən bu klubun adından ölkə çempionatının bütün yaş qrupları üzrə liqalarında çıxış edəcək. Əlbəttə, Cabbarov öz adamını "şirlər"in şurasına yerləşdirməklə bu "poliqon"u güzəştə gedib (sportinfo).
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…