Ölkə futbolu
Avstriya toplanışı: rəqib tapılmayacağı əvvəlcədən bəlli idi
Millinin Avstriyadakı təlim-məşq toplanışından yoldaşlıq g&ou…
Millinin Avstriyadakı təlim-məşq toplanışından yoldaşlıq görüşü keçirmədən qayıtmasının rəsmi səbəbi açıqlanıb. Bu barədə AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu məlumat verib.
Onun sözlərinə görə, toplanış müddətində məqsəd reytinqcə daha güclü rəqiblə üz-üzə gəlməkdən ibarət olub. AFFA rəsmisi bildirib ki, yoldaşlıq görüşlərinin təşkili ilə məşğul olan şirkətlərlə danışıqlar aparılsa da, potensial rəqiblərin planlarında dəyişiklik baş verib: "Zəif rəqiblərlə isə oynamaq istəmədik. Nəticədə hazırlıq prosesi zamanı heç bir yoldaşlıq görüşü keçirilmədi".
Millimiz Avstriyaya mayın 20-də yollanıb. Toplanış iyunun 2-də başa çatacaq. Hazırlıq prosesi Şimali İrlandiyaya qarşı iyunun 10-da Bakıda keçiriləcək dünya çempionatının seçmə qrup matçına hazırlıq xarakteri daşıyır.
Bu səfər AFFA-ya 250 min avroya başa gəlib. Bənzətməni da parlaq etsək, Robert Prosineçkinin tərsliyi federasiyaya bu qədər ziyan vurub. Baş məşqçi yerli həvəskar klublarla yoxlama görüşlərinin keçirilməsinə razılaşmayıb (sportinfo).
O zaman maraqlıdı: bu toplanış nəyə lazım idi? Sadəcə, məşq etməklə həm futbolçuların ağır mövsümdən sonra normal istirahət etməsinə əngəl törədildi, həm də Şimali İrlandiya ilə oyunöncəsi heç bir oyun olmadı. Əslində, bu, gözlənilən idi. Avropa ölkələrində mövsüm hələ indi bitir, hamı istirahətə çəkilib. Birazdan futbolçular millilərin düşərgəsinə toplaşacaq. Ona görə də hamı məşğul idi və millimizin rəqibsiz qalmasını əvvəlcədən proqnozlaşdırmaq olardı. “Rəqib axtardıq” bəhanəsi yersizdi, olmayan şeyi axtarmağa dəyməzdi. Arada qazanan bu toplanışa görə ayrılan vəsaitdən şəxsi məqsədi üçün “faiz tutanlar” oldu.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…