Layihə
“Neftçi” həqiqətləri: bir qrup üçün qazanc mənbəyi
(əvvəli bu linkdə)
“Neftçi” bu g&uu…
“Neftçi” bu gün də əla yemək vasitəsidi. Elxan Məmmədov və digər dəstə üzvləri öz bizneslərini belə klublar vasitəsi ilə çiçəkləndirirlər. Klubda bir sıra sahələrdə ciddi pullar xərclənir. Şuralaşmadan sonra guya hər şein şəffaf olduğu, idarəetmənin açıq müstəviyə keçdiyi deyilir. Əcəba, açıq səhmdar cəmiyyətə çevrilən “Neftçi” indiyə kimi hara nə qədər xərclədiyini bəyan edibmi? Və ya hansısa transferi, futbolçuların maaşını niyə ictimaiyyətə açıqlamır? Axı, Müşahidə Şurası yaradılarkən məhz bu kimi məsələlər əldə bayraq edilmişdi. “Neftçi” əvvəlki kimi idarə ediləcəkdisə, bu dəyişikliyə nə ehtiyac var idi?
Bu gün “Neftçi”də qara mühasibatlığın olmadığı deyilir. Lakin bu, daha çox xərclərin leqallaşdırılmasıdı. Hansısa işin görülməsi üçün müəyyən büdcə var və ölkə rəhbərliyi sabah hesabat istəsə, onu təqdim edəcəklər. Amma burada vəziyyət necədi? Deyək ki, “Neftçi” hansısa reklam işlərinə ehtiyac duyur. Bunun üçün ən uyğun, ən sərfəli variant axtarılmır, üstünlük, dostlara, tanışlara verilir, onlar da 1 manatlıq işi 5 manata görürlər. Hər necə olsa da, pul dövlətdən gedir, qazanan özləri – bir qrup adam olur. Klubda bu kimi işlərlə Eyvazovun rəhbərlik etdiyi, sahibləri SOCAR-da əyləşən firma məşğuldu.
Və ya klubun stadionunun, məşq bazalarının ot örtüyünə xidmət Elxan Məmmədovun payçı olduğu “Agrosport” vasitəsilə tənzimlənir. Digər klublarda bu işlər 500-1000 manat civarında aylıq xərclə yekunlaşırsa, “Neftçi” təkcə “Bakcell Arena”nın qazonunun saxlanılması üçün aylıq 15 min manat xərcləyir. Məşq bazasının ot örtüklərini də bunun üzərinə gəlsək, xərcin miqyasını təxmin edə bilərik. 14-15 qat artıq pul isə hansısa xarici şirkəti varlandırır, onlar da buna görə vasitəşiləri kifayət qədər yüksək faizlə təmin edirlər.
Və bu işləri baş katib üçün həmin Kamil Məmmədov təşkil edir. Geyim məsələləri ilə də FİFA agenti şəxsən məşğuldu və ötən mövsüm ərzində “Neftçi”nin bütün komandaları forma üzünə həsrət qaldı, mövsümü köhnə geyimlərlə başa vurdular. Çünki Kamil Məmmədov vəd etdiyi geyimləri hansısa səbəbdənsə gətirib, çıxarmadı.
Bu cür qazanmaq imkanı verən, büdcənin xərclənmə istiqamətləri üzrə bütün sahələrdə monopoliya var və hamısında da yalnız müəyyən qrupda birləşən şəxslər qazanc sahibi olur. Elxan Məmmədov və havadarlarının da istəyi budur və Müşahidə Şuraları bunun üçün düşünülüb. Bütün klublar bir əldə olandan sonra onların xərcləri üçün lazım olan “material” da eyni yerdən təmin olunur. Dövlətin, SOCAR-ın pulunu öz ciblərinə axıtmaq üçün gözəl üsuldu.
Təbii ki, klubda narazı insanlar da var. Amma onlar başqa yollarla susdurulur. Çingiz Abdullayev başda olmaqla, əksər şura üzvləri “konvert”lərlə sakitləşdirilir, SOCAR-dan barmaq uzadanlara qazanmaq üçün müəyyən şanslar yaradılır. Şurada Zaur Qəhrəmanov kimi fəallar da var. O, böyük oyunçudu, bəzən səsini çıxarır və mükafatlandırılır. Sonuncudan əvvəlki mövsümdə ispan Mellinin transferində onun böyük rolu olmuşdu və yəqin ki, buna görə “hədiyyə”siz qalmamışdı. Və ya Məhəmməd Qurbanovun transferi birbaşa onun işi idi. Hazırda hətta “Sumqayıt”a lazım olmayan milliləşdirilmiş futbolçu 2-3 min manata oynayan biri idi. Lakin ona “Neftçi”də 20 min manat əməkhaqqı yazılırdı. Bu məbləğin hansı hissəsinin ona, hansı hissəsinin Qəhrəmanova çatdığını özləri bilir. Çünki məhz Zaur bəyin təkidi ilə şura bu futbolçunun heyətə götürülməsinə razılıq vermişdi.
O vaxt ümumiyyətlə, bütün transferlərə şura imzalı razılıq verirdi. Elxan Məmmədov Orxan Hüseynzadənin təyinatından bir müddət öncə verdiyi müsahibədə də məhz buna işarə vurmuşdu. O, “Neftçi” Müşahidə Şurasının özünə aid olmayan işlərə qarışdığını, mahiyyətdən kənara çıxıldığını deyərkən elə bunu nəzərdə tuturdu.
(davamı olacaq)
VÜSAL MAHMUDOV
- Milli komanda2024-05-03 08:00
Vay(ss) bizim halımıza?
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq