Ölkə futbolu
“Qarabağ”la “Qəbələ” AFFA-nı vecinə almadı
Premyer Liqa klublarının yaşama mübarizəsi verdiyi bir vaxtda…
Premyer Liqa klublarının yaşama mübarizəsi verdiyi bir vaxtda AFFA onları çökdürmək üçün hər şey edir. Klubların artıq xərclərdən qurtulmaq üçün uşaq komandalarının ixtisarı gündəmdəykən, futbol qurumu əksini düşünür.
Futbolinfo.az xəbər verir ki, AFFA-nın tövsiyyə-tələbi artıq bəziləri tərəfindən qəbul edilib. Premyer Liqa təmsilçilərinin çimərlik futbolu üzrə komanda saxlamasını istəyən qurum istəyinə qismən çatıb. İlk belə ölkə çempionatı iyulun 14-də start götürəcək və 1 ay davam edəcək.
Federasiya seçim qarşısında qalmışdı: ya çimərlik futbolu, ya da futzal. İkinci sahə daha çox pul apardığından, qurum elita klublarının üstünə çox getməyib. Qərarı alınıb ki, bundan sonra hər yay çimərlikdə çempionat təşkil olunsun.
Bunun üçün seçilən məkan Bilgəh və Mərdəkandı. Gələn ay keçiriləcək ilk birincilikdə 5 komanda mübarizə aparacaq. "Sumqayıt", "Neftçi", "Zirə", "Səbail" və "İnter" bu yarışmada iştirak edəcək (sportinfo). "Qarabağ" və "Qəbələ" çempionatda mübarizə aparmaq istəməyibsə, AFFA büdcəsi qısırlı "Kəpəz"i sıxma-boğmaya salmayıb.
AFFA və çimərlik futbolu üzrə federasiya turnirdə qüvvəsini sınayacaq kollektivlərin qarşısında şərt qoyub: hər biri millinin yalnız 3 üzvünü heyətinə qata bilər. Yığmaya dəvətlilərin siyahısı hamıya göndərilib, seçim sərbəstdi. Daha doğrusu, hansı klub daha çox maaş təklif etsə, onunla da anlaşacaqlar.
Çempionatın qalibi Azərbaycanı beynəlxalq arenada təmsil edəcək. İlk pillənin sahibi Çempionlar Liqasına birbaşa vəsiqə qazanacaq. Bunun üçün iştirakçılar 8 turdan ibarət marafonu başa vurmalıdı. Avqustun 14-də çempionluq kubokunu başı üzərinə qaldıracaq komanda AFFA-dan 3000 manat mükafat alacaq. Gümüş medala yiyələnən 2000, bürünc mükafatçı isə 1000 manat qazanacaq.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza