Ölkə futbolu
Ömər Paşayev Avroliqa matçında 2 penalti təyin etdi
Azərbaycanlı FİFA referisi Ömər Paşayevin rəhbərlik etdiyi…
Azərbaycanlı FİFA referisi Ömər Paşayevin rəhbərlik etdiyi hakimlər briqadamız Avropa Liqasında bu gün keçirilmiş "Kayrat" (Qazaxıstan) – "Atlantas" (Litva) matçını idarə edib. Futbolinfo.az xəbər verir ki, qarşılaşma qazaxların 6:0 hesablı qələbəsi ilə başa çatıb.
Paşayev bu görüşdə qonaqların qapısına 2 penalti təyin edib. 26-cı dəqiqədə rusiyalı futbolçu Andrey Arşavin ilk penalti sayəsində hesabı 2:0 edibsə, 50-ci dəqiqədə isə Jerar Qou ikinci penaltidən fərqlənməklə aradakı fərqi 5 topa çatdırıb. FİFA referimiz hər komandadan bir futbolçuya sarı vərəqə də göstərib.
Qeyd edək ki, bu görüşdə Paşayevə yan xətt hakimləri Mübariz Haşımovla Namiq Hüseynov kömək edib. Dördüncü hakim funksiyasını isə Əliyar Ağayev yerinə yetirib.
Sonda maraq üçün onu da qeyd edək ki, "Kayrat"ı vaxtilə Bakı "İnter"ində baş məşqçi olmuş gürcüstanlı mütəxəssis Kaxaber Sxadadze çalışdırır.