“Qarabağ” “Bröndbü”yə də məğlub oldu

Avstriyada təlim-məşq toplanışında olan “Qarabağ” bu gün hazırlıq çərçivəsində sonuncu yoxlama oyununa çıxıb. Futbolinfo.az xəbər verir ki, Ağdam təmsilçisi Danimarkanın “Brondbü” komandası ilə qarşılaşıb.

"Qarabağ" matça bu start heyətlə çıxıb: İbrahim Şehiç, Qara Qarayev, Maksim Medvedev, Miçel, Dino Ndlovu, Mahir Mədətov, Rəşad Sadıqov (k), Əfran İsmayılov, Ansi Aqolli, Bədavi Hüseynov, Coşqun Diniyev.

Qarşılaşma Ağdam təmsilçisi üçün uğursuz alınıb. Azərbaycan çempionu meydanı böyük hesablı məğlubiyyətlə tərk edib. Ağdamlıların heyətində yeganə qolu Dino Ndlovu rəqib qapısından keçirib.

Qeyd edək ki, Qurban Qurbanovun çalışdırdığı son Azərbaycan çempionu daha öncə keçirdiyi hər 3 hazırlıq matçında uduzmuşdu. Təmsilçimiz Rusiya Premyer Liqa klubu “Axmat”a 0:1, Bolqarıstan MOİK-inə 2:5, digər Rusiya klubu “Dinamo”ya (Moskva) isə 0:1 hesabı ilə məğlub olmuşdu.

Yoxlama oyunu
2 iyul

“Qarabağ” – “Brondbü” – 1:5
Qollar: Kliment, 10-pen (0:1), Vilçek, 20 (0:2), Kliment, (0:3), Ndlovu, 52 (1:3), Kalmar, 66 (1:4), Bruus, 73 (1:5).
Avstriya, Zalsburq.
 

“Qarabağ”: İbrahim Şehiç, Qara Qarayev (Rahid Əmirquliyev, 65), Maksim Medvedev, Miçel, Dino Ndlovu, Mahir Mədətov, Rəşad Sadıqov (k), Əfran İsmayılov (Ağabala Ramazanov, 65), Ansi Aqolli, Bədavi Hüseynov, Coşqun Diniyev.

“Brondbü”: F. Rennov, Benedikt Roker, Arajuuey, K. Mensah, B. Halimi, K. Norqard, S. Krone, J. Larsson, K. Fisker, J. Kliment, 20. J. Vilçek.