Ölkə futbolu
Malıyevin təlaşının səbəbi: “İnter”i əldən vermək istəmirlər
Rəmiş Maleyevin "İnter"un dağılmasının mümkü…
Rəmiş Maleyevin "İnter"un dağılmasının mümkünlüyü haqda dünən dedikləri təsadüf deyil. “İnter”in icraçı direktorunun AFFA prezidentinə yaxın olan “Report”a açıqlama verməsi və həyəcan təbili çalması kimləri isə oyatmaq məqsədi daşıyır.
Ola bilsin ki, bu həmlə həm də avrokubokda uğurlu çıxış edən kluba diqqəti artırmaq, kredit borcuna görə klubun əlindən alınan “İnter Arena”yla bağlı məsələyə dövlətin qarışmasına çalışmaq məqsədlidi. Faktiki, vəziyyət elədi ki, Beynəlxalq Bankın girovluğunda olan arenaya görə ödənilməli olan borc dondurulmasa və ya dövlət tərəfindən silinməsə, klub didərgin düşməli olacaq.
Əslində, dövlət məsələyə münasibətini bu problemin həllini "Aqrarkredit" Qapalı Səhmdar Cəmiyyətinə tapşırmaqla göstərib. Yəni ki, istənilən halda, ya pul ödənməli, ya da idman qurğusu bu Bank olmayan Kredit Təşkilatının balansına keçməlidi. “İnter” rəhbərliyi isə hələ də güzəştə ümidlidi və guya klubun dağılması ehtimalını səsləndirməklə haray salırlar.
"İnter"in Müşahidə Şurasının sədri Zaur Axundov "İnter Arena"nı boşaltmaqla bağlı qarşı tərəfdən aldığı vaxtı uzatmaq istəsə də, buna müvəffəq olmayıb. "Aqrarkredit" iyulun ilk həftəsindəcə stadionda təhvil-təslimi bitirmək fikrindədi və bunu klub rəsmilərinin də nəzərinə çatdırıblar. Təşkilat AFFA/SOCAR-ın "İnter"in rəhbərliyini onlara verməsini tələb edir. Qapalı Səhmdar Cəmiyyətin sədri Məmməd Musayev klubun yönətiminə öz adamlarını yerləşdirmək niyyətindədi və belə olarsa, AFFA-dan dəstək almamaqla da bütün maliyyə məsələlərini öz hesablarına yoluna qoyacaqlarını vəd eləyib.
Əslində, bu özü də yaxşı xəbərdi. Kluba sponsor tapılıbsa, AFFA buna sevinməlidi. Çünki bununla SOCAR-ın üzərinə düşən maliyyə yükü bir qədər azalacaq. Lakin klubları bir monopoliyada biləşdirmək niyyətindən əl çəkməyən AFFA bunun əleyhinədi. Görünür, “İnter”in əldən getməsi assosiasiya rəsmilərinin şəxsi mənfəətlərinə uyğun deyil. Elə buna görə də vəziyyətin kritik həddə olmasını bəyan etməklə həm bazanı, həm də klubu əldə saxlamağa cəhd edirlər.
Maraqlıdı ki, "Aqrarkredit" "İnter Arena"nın bazasında yeni klub yaradacağı barədə müvafiq dairələrə xəbərdarlıq edib. Yəni AFFA klub idarəçiliyini onlara verməsə də, idman qurğusu boş qalmayacaq. Bəlkə də Malıyevin imdad diləməsinin səbəbi budur.
CAVAD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Müsahibə2024-04-29 10:14
“Qalatasaray” rəsmisi: “Azərbaycana layiqli idmançılar yetişdirmək istəyirik”
- Ölkə futbolu2024-04-29 12:33
“Qarabağ” “Turan”a çata bilmədi