Ölkə futbolu
Yenilənmiş “Qəbələ”, həmişəki iddia – Rəhbərlik geri çəkilmədi
“Qəbələ” qol vurdusa, qalib gəlir, buraxdısa, uduzur….
“Qəbələ” qol vurdusa, qalib gəlir, buraxdısa, uduzur. Yay hazırlıq dövründə gümüş medalçının sınaq matçlarının ststistikası bunu diqtə edir.
Bu gün Kiyev “Dinamo”suyla oyunun nəticəsinin necə olacağənə deyə bilmərik. Lakin əvvəlki oyunlarda məhz bir komandanın qol vurduğunun şahidi olmuşuq. “Qırmızı-qaralar” “Fulpmes”i darmadağn edəndə (8:0) belə olub, Rusiya “Axmat”ına uduzanda (0:1) da.
Hər oyun 45 dəqiqəlik bir hissədən ibarət olan “Stubay Cup”da da fərqli mənzərə görmürük: “Vakker” (Avstriya) 0:1, MOİK (Bolqarıstan) 0:2, “Ludoqorets” (Bolqarıstan) 0:2, “Qrodiq” (Avstriya) 7:0.
Bu nəticələrin ciddi önəmi yoxdu. Komanda hazırlıq mərhələsindədi və baş məşqçi Roman Qriqorçuk komanda oyunun formalaşdırmağa, öz oyun fəlsəfəsini “oturtmağa” çalışır. Heyətin yarıbayarı dəyişdiyini nəzərə alsaq, bu, vacibdi.
Doğrusu, “Qəbələ”nin hər transfer xəbəri istər-istəməz sevindirir. Söhbət heç də legioner bolluğunun yüksək nəticəyə olan inamından getmir. Əsas odur ki, komandaya maliyyəni azaltdıqları, futboldan küsdükləri deyilən Heydərovlar ruhdan düşməyib. Heyət gücləndirilir, baş məşqçinin tələb etdiyi transferlər reallaşır. Deməli, həm avrokubokda, həm də Premyer Liqanın yeni mövsümündə yenə inadla döyüşən kollektiv görəcəyik.
Ad olaraq “Qəbələ”nin yeni transferləri ümidvericidi. Qalır onları formaya salıb, vahid komanda şəklində döyüşmələrini təmin etmək. Xüsusilə avrokuboklarda ilk oyun vacibdi və potensial rəqib olan “Yagelloniya” ilə görüşdə xoşagəlməz nəticə olmaması üçün Qriqorçuk daha çox çalışmalıdı. Avropa Liqasında qrupa düşmək tapşırığı yerinə yetirilməsə, bu heyət Premyer Liqa üçün bir az artıq görünəcək.
Heyətdə olan 5 əcnəbiyə daha 5-i əlavə olunub. Düzdü, cəza, zədə kimi futbolun içində olan problemlər qaçılmazdı, amma yenə də 10 legioner 6+5 limitinin olduğu Premyer Liqa üçün bir az çox görünür. Hələ “Qəbələ” daha 2 legionerlə danışıqları davam etdirir.
“Qəbələ” indiyə qədər 8 yeni oyunçu ilə güclənib – Elvin Məmmədov ("Zirə"), İlqar Qurbanov ("Qarabağ"), Aqil Məmmədov (AZAL), Xavi Ernandes Qonzales ("Qurnik Lençna", Polşa), Stiven Jozef-Monroz (“Brest”, Fransa), Dion Malone ("Den Haaq", Hollandiya), Endi Hallidey ("Reyncers", Şotlandiya), Famussa Kone ("Göztəpə"). Bu, faktiki, komandanın yenidən qurulması deməkdi. Göndərilən 12 oyunçuya görə təəssüflənmək lazım deyil – onlar artıq ansambldan kənar düşənlər idi. Bununla belə, heyətin bu qədər radikal dəyişməsi ciddi riskdi.
Amma qərar verilib, transferlər edilib. Bundan sonra iş Qriqorçuka qalıb. Rəhbərlik onun bütün tələblərini yerinə yetirdikdən sonra nəticə verməkdən başqa yol yoxdu. Həm avrokuboklarda uğurlu çıxış etmək, həm də Premyer Liqada çempionluq uğrunda mübarizə aparmaq lazım gələcək.
CAVAD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza