Layihə
Dəyişiklik ərəfəsində: Şüursuzcasına şuralaşma
(əvvəli bu linkdə)
Baş katibin özünü d…
Baş katibin özünü doğrultmayan elit-məşq layihələri, topçiləmə festivalları, idman direktorları ilə bağlı analoqsuz təyinatlar öz yerində, onun Müşahidə Şuraları ilə bağlı sistemi də fiaskoya uğradı. Əslində, ideya olaraq şuralaşma yaxşı təşəbbüsdü. Lakin onu Azərbaycan klubuna tətbiq etmək mümkün deyil. İdeyanın uğuru üçün öncə münbit şərait olmalıdı.
Hafiz Məmmədovun müflisləşməsi “Bakı”nı, Mübariz Mənsimovun kənara çəkilməsi “Xəzər Lənkəran”ı necə çökdürdüsə, sabah oxşar olaylar üzündən “Qarabağ” və “Qəbələ” də mövcudluğunu itirə bilər. Lakin bu problem təkcə Azərbaycan üçün deyil, Şərqi Avropa ölkələrində də eyni vəziyyətdi, qonşu Türkiyə və Rusiyada da.
Müşahidə Şuralarının işlək orqana çevrilməsi üçün öncə pul qazanmaqda maraqlı olan sahibkarları həmin qurumlarda birləşdirmək lazımdı. Heç kimin bir-birini həzm etmədiyi Azərbaycanda isə bu sistem mümkün deyil. Hətta hansısa iş adamları birləşsə də, onların maraqlarının təmin olunması üçün şərait yoxdu. Çünki futbolda transferdən, marketinqdən, teleyayımdan və s. qazanc götürmək imkanları yoxdu. Sabaha yatırım qoymaq da müşküldü, çünki heç kəs növbəti səhər yuxudan ayılacağına, işinin başında olacağına əmin deyil. Yalnız qarşılıqsız xərc tələb edilən Azərbaycan futbolunda həm də buna görə şuralarda birləşmələr mümkün görünmür. Və bu reallıqlar, ölkə standartları nəzərə alınmalı idi. Elxan Məmmədov dibi görünən quyuya daş atmaqla özünü Nyuton hesab etdi.
Şuralaşmanın perspektivsizliyini “Neftçi” nümunəsi əyani şəkildə göstərdi. Bəstəkar, yazıçı, şən/hazırcavab, futbol veteranı və başqalarının birləşdiyi qurum yalnız kağız üzərində mövcuddu. Və bütün bu şəxslər nəinki kluba sərmayə qoymur, əksinə, dövlətin ayırdığı büdcədən maaş alır. Universitet rektorlarının yığışdığı “Kəpəz” və digərlərində də eyni problemdi.
Hətta şura sistemində fərqlər var. Məsələn, “Sumqayıt”da “müşahidəçilər” gözə görünmür, hər işi klub prezidenti Kamran Quliyev görür. Əvəzində “İnter”də şura sədri Zaur Axundov seçiləndən bəri icraçı direktor Rəmiş Malıyev arxa plana atılıb. “Neftçi”də önə verilən Çingiz Abdullayevdi, amma bütün işi icraçı direktor Orxan Hüseynzadə görür. Və o, “İnter”dəkindən fərqli olaraq əmrləri şuradan yox, AFFA-dan alır.
Şuralaşmada daha bir axsaq detal strukturla bağlıdı. Bəzi klublarda prezident üsul-idarəsi varsa, digərlərində icraçı direktor ön plandadı.
(davamı olacaq)
FƏRİD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza