Ölkə futbolu
"Zirə"nin növbəti rəqibini yaxından tanıyaq
Azərbaycanı Avropa Liqasında təmsil edən "Zirə"ni bu t…
Azərbaycanı Avropa Liqasında təmsil edən "Zirə"ni bu turnirin 2-ci təsnifat mərhələsində Rumıniya "Astra"sı ilə duellər gözləyir. Futbolinfo.az xəbər verir ki, komandamız bu rəqiblə ilk oyunu iyulun 13-də səfərdə, cavab matçını isə ayın 20-də doğma meydanda keçirəcək.
Curciu şəhərini təmsil edən "Astra" 1921-ci ildə yaradılıb. 96 yaşlı komanda bu müddət ərzində cəmi 1 dəfə ölkə çempionu adını qazanıb. Bu da 2015-/16 mövsümünə təsadüf edib. 2013/14 mövsümündə isə komanda çempionatın gümüş medallarına sahib çıxıb. "Astra" Rumıniya 2-ci liqasında da 1 dəfə qızıl (1997/98), 1 dəfə gümüş (2008/09) medal qazanıb. 2007/08 mövsümündə isə Curciu təmsilçisi 3-cü liqanın qalibi olub. Komanda 2013/14 mövsümündə Rumıniya Kubokunu qazanıb. 2016/17 mövsümündə isə finalda məğlub olublar. 2014 və 2016-cı illərdə isə "Astra" Rumıniya Superkubokunun qalibi olub.
Böyük tarixə malik olsa da, uğurları son illərə təsadüf edən "Astra" avrokuboklarda daha ciddi nailiyyətlərə imza atıb. Cəmi 5 dəfə avrokuboklara qatılan Curciu təmsilçisi 1 dəfə Çempionlar Liqasında, 4 dəfə isə Avroliqada uğura çalışıb. ÇL-dəki hər iki oyundan məğlub ayrılan komanda Avroliqa çərçivəsində çıxdığı 32 oyunun 14-dən qələbə qazanıb, 9 heç-heçə edib, 9 dəfə də məğlub olub.
2013/14 mövsümündə ilk təsnifat mərhələsində Sloveniya "Domjale"sini mübarizədən kənarlaşdıran sonradan Kipr "Omoniya"sı və Slovakiyanın "Trençin" komandasına da qalib gələrək pley-offa yüksəlib. Lakin bu mərhələdə İsrailin "Makkabi" (Hayfa) klubuna uduzan rumınlar qrup mərhələsinə yüksələ bilməyiblər.
2014/15 mövsümündə Avroliqada birbaşa üçüncü təsnifat mərhələsindən mübarizəyə başlayan "Astra" Çexiya "Slovan"ını və Fransanın "Olimpik" (Lion) klublarına qalib gəlməklə tarixində ilk dəfə bu turnirin qrup mərhələsinə vəsiqə qazanıb. Qrupda "Zalsburq" (Avstriya), "Seltik" (Şotlandiya) və "Dinamo" (Zaqreb, Xorvatiya) ilə birgə mübarizə aparan rumınlar sonuncu – 4-cü olublar.
2015/16 mövsümü "Astra" üçün əvvəlki ilə müqayisədə uğursuz alınıb. İkinci təsnifat mərhələsində Şotlandiya "İnverness"ini, ardından İngiltərə "Vest Hem"ini mübarizədən kənarlaşdıran komanda pley-offa Hollandiya "Az Alkmaar"ı ilə bacarmayıb.
"Zirə"nin növbəti rəqibinin avrokuboklardakı ən uğurlu mövsümü geridə qalan ilə təsadüf edir. Belə ki, 2016/17 mövsümünə ÇL-in 3-cü təsnifat mərhələsindən start verən "Astra" Danimarka çempionu "Kopenhagen"ə uduzduğuna görə mübarizəni Avroliqada davam etdirməli olub. Bu turnirin pley-offunda yenə İngiltərə "Vest Hem"i ilə üz-üzə gələn Curciu təmsilçisi növbəti dəfə bu komandanı yolundan kənarlaşdırmağı bacarıb. Qrup mərhələsində İtaliya nəhəngi "Roma", Çexiya "Viktoriya"sı və Avstriya "Vyana"sı ilə mübarizə aparan "Astra" 2-ci yeri tutaraq hətta 1/16 finala da yüksəlib. Lakin Belçika "Genk"i bu komandanı 1/8 finala buraxmayıb.
"Astra"nı yerli mütəxəssis Eduard Yordanesku çalışdırır. 39 yaşlı mütəxəssis bu ildən komandanın baş məşqçisi təyin olunub. Son illərdə komandaya böyük uğurlar qazandıran futbolçuların əksəri isə artıq indi heyətdə deyil. Buna sözügedən klubun ciddi maliyyə problemləri ilə üzləşməsi səbəb göstərilir.
"Zirə"nin rəqibi ev oyunlarını Marin Anastasoviki adına Curciu şəhər stadionunda keçirir. Arena cəmi 8500 azarkeş tutumuna malikdi.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Digər idman növləri2024-04-12 00:29
“Anadolu Efes” növbəti mərhələdə
- Premyer-liqa2024-04-12 20:56
“Sumqayıt”la “Zirə”dən heç-heçə