Ölkə futbolu
Prezidentsiz "Neftçi"nin gündəliyi
“Neftçi” prezidentsizlik dönəminə son qoyub….
“Neftçi” prezidentsizlik dönəminə son qoyub. Futbolinfo.az xəbər verir ki, paytaxt təmsilçisi 2 il 3 aydan sonra yenidən prezident tərəfindən idarə olunacaq.
2015-ci il martın 31-də Sadıq Sadıqovun prezident postundan göndərilməsi, idarəçiliyin Müşahidə Şurasına keçməsi ilə başlayan dövr 828 gün davam edib. Dünən yenidən bərpa olunan prezident idarəçiliyinin başına Orxan Hüseynzadə gətirilib.
Bu 828 günlük dövrü “Neftçi” tarixinin ən uğursuz səhifəsi hesab etmək olar. Çünki uğursuzluqlar, darmadağınlar bir-birini sıralayıb. “Neftçi” 2 il 3 ay ərzində heç bir titul qazana bilməyib.
Prezidentlə başlayan 2014/15 mövsümünü 4-cü sırada tamamlayan “Neftçi” kubokun finalına qədər irəliləsə də, titul qazanmağı bacarmadı. Müşahidə Şurasının il boyu iş başında olduğu iki mövsüm isə fiasko ilə başa çatdı. 2015/16 mövsümündə kubokun finalçısı olan bakılılar çempionatda 6-cı oldu. Yeni başa çatan çempionatda isə nə final var idi, nə də 6-cı yer. “Ağ-qaralar” kubok xəyalı ilə yarımfinalda vidalaşıb, çempionatda “qara gün”ə qaldılar. 8 komanda arasında 7-ci yerə başqa ad vermək olmaz.
“Qəbələ” ilə ev oyunundakı 0:8 klub tarixinin ən ağır məğlubiyyəti idi. “Zirə” ilə görüşdə legioner limitini pozduğu üçün texniki məğlubiyyətin alınması da 828 günlük dövrün biabırçılıqlarından sayılır. İlk dəfə Premyer Liqanı topların mənfi fərqi ilə bitirmək də komandaya başıucalığı gətirmədi.
Prezidentsiz ilk oyunu 2015-ci il aprelin 1-nə təsadüf edən “Neftçi” “Bakı”nı 2:0 hesabı ilə yenmişdi. Lakin zarafat günündəki bu qələbə aldadıcı xarakter daşıdı. Çünki 828 gündə “ağ-qaralar”ın qələbələri o qədər çox olmadı.
Müşahidə Şurasının idarəçiliyi vaxtında 93 rəsmi matç keçirən komanda cəmi 30 dəfə qalib gəlib. Bu isə ümumi oyunların 32,3 faizi deməkdi. Ölkənin ən titullu və köklü klubu üçün bu nəticə heç cür məqbul sayıla bilməz.
22 heç-heçəsi olan prezidentsiz “Neftçi” 41 dəfə uduzub. Bakılıların məğlubiyyət sayının qələbədən çox olması da arxada qalan dövrün uğursuz olmasının göstəricisidi. Top fərqi də eyni mənzərədən xəbər verir – 106:119.
93 oyunda 5 baş məşqçiyə etimad göstərilməsi daim axtarışda olan rəhbərliyin çıxış yolu tapmadığını göstərirdi. Əvvəlki dönəmdən qalan Arif Əsədov, ardınca Samir Əliyev, Əsgər Abdullayev, Vəli Qasımova uzun müddət etimad göstərməyən Şura Elxan Abdullayevə nisbətən çox şans verib.
Əslində, ölkə futboluna nəzər salsaq, uğur sahiblərinin Müşahidə Şurası deyil, prezident idarəçiliyi altında olduğu görünür.
Prezidentsiz “Neftçi”
Premyer Liqa |
73 |
24 |
16 |
33 |
76-98 |
88 |
Azərbaycan kuboku |
14 |
5 |
3 |
6 |
24-15 |
18 |
Avropa Liqası |
6 |
1 |
3 |
2 |
6-6 |
6 |
Cəmi |
93 |
30 |
22 |
41 |
106-119 |
112 |
Qeyd: Texniki məğlubiyyət top fərqində nəzərə alınmayıb. (Apasport)
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı