Ölkə futbolu
Azərbaycan avrokubokların ən yaxşıları arasında
Avropa Liqasının 1-ci təsnifat mərhələsinin statistik göst?…
Avropa Liqasının 1-ci təsnifat mərhələsinin statistik göstəriciləri açıqlanıb. Futbolinfo.az xəbər verir ki, Azərbaycan təmsilçisi “Zirə” ən yaxşılar sırasında yer alıb.
Qəsəbə klubu Lüksemburq “Differdanj”ı ilə görüşlərdə 38 dəfə qapı istiqamətində zərbə endirib. Bakılılar bu göstəricidə yarışın 9-10-cu komandasıdı. “Zirə”yə Albaniya “Skenderbeu”su şərikdi.
Bu zərbələrin yarısı – 19-u çərçivəyə düşüb. Təmsilçimiz bu nəticə ilə 4-cü yerdə qərarlaşıb. “Slovan”, “Yagelloniya” və AEL də eyni göstəriciyə malikdi.
8 künc zərbəsi yerinə yetirən zirəlilər “Reyncers” və Kutaisi “Torpedo”su ilə 8-10-cu yerləri bölüşür.
Bakı “İnter”i isə intizamlılar sırasında “onluq”dadı. Serbiya “Mladost”u ilə matçlarda 14 qayda pozuntusuna yol verən bakılılar 4-7-ci yerlərdə şəriklərdəndi. Təmsilçimiz özü 35 dəfə fola məruz qalıb. Paytaxt klubu ən çox belə duruma düşən komandalar arasında 8-9-cudu.
Avroliqada 1-ci təsnifat mərhələsindən sonra futbolçuların da fərdi göstəriciləri açıqlanıb. “Zirə”nin yeni legioneri David Manqa da ən yaxşılar sırasındadı.
Mərkəzi Afrika Respublikasından olan futbolçu daim qapıya köklənməsi ilə diqqət çəkir. O, qapıya zərbələrdə ən yaxşılar arasında düşüb. Lüksemburq “Differdanj”ı ilə görüşlərdə 10 zərbə endirən legioner bu göstəricidə 5-ci yerə şərikdi.
Manqa 5 dəfə çərçivəyə düşməyi də bacarıb. Afrikalı yarışın 10-cusudu. Qapı istiqamətində, amma qeyri-dəqiq zərbə sayında da David “onluq”dadı. O, 5 zərbə ilə 8-ci yerin şəriklərindəndi.
Avrokubokların 1-ci təsnifat mərhələsinin ən yaxşıları da bəlli olub. Çempionlar Liqası və Avropa Liqasında baş tutan 110 matçdan sonra 6 ölkə yüz faizlik nəticəyə malikdi.
Bu ölkələr sırasında Azərbaycan da var. Təmsilçilərimiz “İnter”lə “Zirə” keçirdikləri bütün oyunlarda qələbə qazanıb.
Sonuncular Lüksemburq “Differdanj”ına şans verməyib – 2:0, 2:1. “İnter” isə Serbiya “Mladost”undan güclü olub – 3:0, 2:0.
İki komandamız ümumilikdə keçirdikləri 4 matçda 4 qələbə qazanıb. Bu yüz faizlik nəticəni qazanmaq üçün təmsilçilərimiz 9 qol vurub və yalnız 1-ni buraxıb.
Azərbaycan kimi daha üç ölkə 4 oyunda 4 qələbəyə şahid olub. Bunlar Danimarka, İsrail və Polşadı. Ən yaxşı top fərqində Danimarka 1-cidi. “Lyunqbyu” “Banqor”a (Uels) 3:0 və 1:0, “Midtyulland” “Derri Siti”yə (İrlandiya) 6:1 və 4:1 hesabı ilə qalib gəlib.
14 top vurub, 2-ni buraxan şimallılar yalnız daha çox fərqləndiyi üçün Polşadan öndədi. Bu ölkədə top fərqi 12:0-dı. “Lex” “Pelister”i (Makedoniya) 4:0 və 3:0, “Yagelloniya” “Dinamo”nu (Batumi, Gürcüstan) 1:0 və 4:0 hesabı ilə yenib.
İsrail isə 3-cüdü. Onlarda top fərqi 12:3-dü. “Makkabi” (Təl-Əviv) “Tirana”nı (Albaniya) 2:0 və 3:0, “Beytar” isə “Vaşaş”ı (Macarıstan) 4:3 və 3:0 hesabı ilə üstələyib.
Daha iki ölkə mərhələni qələbələri sıralamaqla başa vurub. Lakin Xorvatiya və Lixtenşteyn “dördlük”dən geri qalır. Çünki bu iki ölkənin yalnız bir təmsilçisi meydana çıxıb və 2 qələbə qazanıb. Apasport
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı