Dünya futbolu
Rusiya Superkubokunun qalibi müəyyənləşdi
Rusiya Superkubokunun yeni qalibi müəyyənləşib. Futbolinfo.az…
Rusiya Superkubokunun yeni qalibi müəyyənləşib. Futbolinfo.az xəbər verir ki, həlledici oyunda son ölkə çempionu Moskva "Spartak"ı ilə kubokun qalibi olmuş paytaxtın digər təmsilçisi "Lokomotiv" qarşılaşıb.
Qarşılaşmanın əsas vaxtında hesab açılmayıb. Matçdakı əsas hadisələr əlavə olunmuş yarım saat ərzində baş verib. 101-ci dəqiqədə "Spartak"ın forvardı Luis Adriano hesabı açıb. 10 dəqiqə sonra Kvinsi Promes "dəmiryolçular"ı növbəti dəfə meydanın mərkəzinə dəvət edib. "Lokomotiv" 115-ci dəqiqədə Manuel Fernandesin qolu sayəsində hesab arasındakı fərqi azaltsa da, bundan artığına gücü çatmayıb. Nəticədə, Superkubokun qalibi "Spartak" olub – 2:1.
Qeyd edək ki, bu, "Spartak"ın ilk belə uğurudu. Moskva klubu 2003-cü ildən bəri keçirilən Rusiya Superkubokundakıı əvvəlki 3 sınağından (2004, 2006, 2007) məğlub ayrılmışdı. "Lokomotiv" isə 2003 və 2005-ci illərdə bu turnirin baş mükafatına sahib çıxıb.