“Qarabağ” “Şerif”ə qol vura bilmədi

Bu gün UEFA Çempionlar Liqasında 3-cü təsnifat mərhələsinə start verilib. Futbolinfo.az xəbər verir ki, Azərbaycan çempionu “Qarabağ” bu mərhələdə ilk matçına çıxıb.

Ağdam təmsilçisi Moldovanın “Şerif” klubunu qəbul edib. İlk rəqibi Gürcüstan “Samtredia”sını qol buraxmadan iki dəfə (5:0, 1:0) məğlub edən Qurban Qurbanovun yetirmələri uğurlu seriyasını davam etdirməyə iddialıdı.

“Şerif”ə gəlincə, "Qarabağ" kimi 2-ci təsnifat mərhələsindən mübarizəyə başlayan bu komanda ilk cəhdində Albaniyanın “Kukesi” klubundan güclü olub – 1:0, 1:2.

Tofiq Bəhramov adına Respublika stadionunda baş tutan qarşılaşmada qapılara qol vurulmayıb. Bu üzdən də "Qarabağ" mərhələ keçmək üçün bir həftə sonra səfərdə baş tutacaq cavab oyununda ya qollu heç-heçəyə imza atmalı, ya da mütləq qələbə qazanmalıdı.

UEFA Çempionlar Liqası
3-cü təsnifat mərhələsinin ilk oyunu
25 iyul

Qarabağ – Şerif – 0:0
Hakimlər: Sergey Sinkeviç, Yevgeni Romanav, Vitali Malyutsin, Viktor Şimusik (hamısı Belarus).
UEFA nümayəndəsi: Kuanış Kanapyanov (Qazaxıstan).
Hakim-inspektor: İçko Lozev (Bolqarıstan).
Bakı. Tofiq Bəhramov adına Respublika Stadionu.

Qarabağ: 13. İbrahim Şehiç, 2. Qara Qarayev, 5. Maksim Medvedev (k), 8. Miçel, 9. Dino Ndlovu, 17. Donald Qerye (44. Ağabala Ramazanov, 88), 20. Riçard Almeyda, 22. Əfran İsmayılov (11. Mahir Mədətov, 62), 25. Ansi Aqolli, 52. Yakub Jezniçak (32. Elvin Yunuszadə, 24), 55. Bədavi Hüseynov.
Ehtiyat oyunçular: 1. Anton Kanibolotski, 7. Rahid Əmirquliyev, 21. Arif Daşdəmirov, 91. Coşqun Diniyev.
Baş məşqçi: Qurban Qurbanov.
Şerif: 1. Zvonimir Mikuliç, 4. Petru Raku, 6. Viktor Oliveyra, 9. Stefan Muqoşa (14. Benjamin Balima, 71), 15. Kristiano Da Silva, 18. George Anton, 20. Siril Bayala (99. Vitali Damaşkan, 90+4), 30. Yosip Brezoveç (37. Vitali Bordian, 77), 39. Ziqi Badibanqa, 55. Mateo Suşiç (k), 90. Vyaçeslav Posmak.
Ehtiyat oyunçular: 25. Sergey Yuriç, 4. İon Jardan, 7. Jo Santos, 32. Yevgeni Oança.
Baş məşqçi: Roberto Bordin.