Dünya futbolu
Torres karyerasını başa vuracağı klubun adını açıqladı
"Atletiko"nin hücumçusu Fernando Torres bəyan e…
"Atletiko"nin hücumçusu Fernando Torres bəyan edib ki, Madrid klubunu tərk etmək barədə düşünmür. Futbolinfo.az "Football Espana"ya istinadla xəbər verir ki, o, futbolçu karyerasını məhz bu komandada başa vurmaq istədiyini bildirib:
"Mən evimdəyəm. 8 il sonra "Atletiko"ya qayıtdım. Burada xoşbəxtəm. Məhz bu klubda oynamaq, mükafatlar qazanmaq, komandama Avropada ən yaxşılardan biri olmasına kömək etmək istəyirəm. Karyeramı da burada bitirmək istəyirəm. Hazırda "Atletiko"da oynamaq mənim üçün yeganə variantdı".
Qeyd edək ki, "Atletiko"nun yetirməsi olan Fernando 2001-2007-ci illər aralığında məhz Madrid klubunun uğurları üçün çalışıb. 2007-ci ildə o, İngiltərənin "Liverpul" klubuna transfer olunub. 2011-ci ildə "Liverpul"u "Çelsi"yə dəyişən İspaniya yığmasının sabiq hücumçusu 2015-ci ildə də qısa müddət İtaliyanın "Milan" klubunun formasını geyinib. Elə həmin il Torres legioner karyerasını başa vuraraq, ölkəsinə – doğma klubu "Atletiko"ya qayıtmışdı.