Ölkə futbolu
Svanadze daha 1 il “İnter”də
“İnter”də problemlər bitmir. Klub rəhbərliyi ç…
“İnter”də problemlər bitmir. Klub rəhbərliyi çətin vəziyyətdən çıxmağa çalışsa da, hələlik bəzi məsələlərdə istədiyinə nail olmayıb.
Futbolinfo.az xəbər verir ki, futbolçu və məşqçi heyətinin maaşları vaxtında ödənilsə də, klubun digər əməkdaşları ilə bağlı vəziyyət dəyişməyib. Yenə də işçilərə 3 ayın borcu qalır. Ötən günlərdə aprel ayının əməkhaqqı ödənilib, lakin may, iyun və iyulun maaşları yenə də gecikir.
Klubun icraçı direktoru Rəmiş Malıyev də gecikmənin olduğunu etiraf edir: “Gecikmə var, amma problemi zamanla həll etməyə çalışırıq. Yeganə dəstəkçimiz AFFA-dı, onlar üçün də qəfil, planlaşdırılmadan ortaya çıxan bu xərclər problem yaradır. Vəziyyətin tezliklə düzələcəyinə ümid edirik”.
Buna baxmayaraq, “İnter” baş məşqçi Zaur Svanadzeni postunda saxlamağı lazım bilib. Gürcü mütəxəssislə yeni müqavilə razılaşdırılıb: “Svanadze ilə yeni mövsüm üçün anlaşmışıq. O, komandada qalacaq və daha bir mövsüm iş başında olacaq”.
“İnter”in adının dəyişməsi məsələsi də ictimaiyyət arasında müzakirə olunur. Klubun avtobusu yeni loqo ilə bəzənib, amma emblem hələ rəsmən yenilənməyib. Rəmiş bəy bu məsələnin zamanla həll olunacağını deyir: “Bu məsələlər də vacibdi, lakin indi o qədər problem var ki, emblem haqqında düşünmürük. Təbii ki, klubun Beynəlxalq Bankla bağlılığı qalmadığından emblem dəyişəcək. Lakin bu, zamanla həll olunacaq məsələdi. Klubun adının dəyişməsi isə hazırda gündəmdə deyil. Yəqin ki,məsələ aktuallaşanda, cari problemlərdən başımız açılanda hər şey yoluna düşəcək”.