Dünya futbolu
"Barsa" Neymarı rəsmən sərbəst buraxdı – 222 milyon avroya
"Barselona" Fransanın PSJ klubuna keçmək üzrə…
"Barselona" Fransanın PSJ klubuna keçmək üzrə olan braziliyalı hücumçusu Neymarla bağlı növbəti rəsmi açıqlama yayıb.
Futbolinfo.az xəbər verir ki, Kataloniya təmsilçisi ulduz futbolçunun azad agent statusu almaq üçün tələb olunan 222 milyon avronun ödənildiyini bəyan edib. Bununla da Neymarın "Barselona" karyerası rəsmən başa çatıb. Bu gündən etibarən onun PSJ-yə keçidi üçün heç bir əngəl qalmayıb.
"Barselona" transfer haqqının kifayət qədər yüksək məbləğ olması səbəbindən yarana biləcək problemləri gözə alaraq Neymarın PSJ-yə keçidi ilə bağlı bütün detalların UEFA-ya göndərildiyini də açıqlayıb.
Bu transferin ardından Neymar kifayət qədər böyük bir fərqlə dünyanın ən bahalı futbolçusuna çevrilib. Bundan əvvəlki rekord "Mançester Yunayted"in 2015/16 mövsümündə "Yuventus"dan 105 milyon avroya transfer etdiyi fransalı futbolçu Pol Poqbaya aid idi.
Qeyd edək ki, Neymar 2013-cü ildən şərəfini qoruduğu "Barselona" formasıyla çıxdığı 186 qarşılaşmada 105 qol vurub, 80 məhsuldar ötürmə müəllifi olub.
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- I Liqa2024-04-30 14:45
“Araz Saatlı”nın məşqçisinə 2 oyunluq cəza
- Dünya futbolu2024-04-30 11:32
“Real” Kurtuanı türk qapıçı ilə əvəz etmək istəyir
- Ölkə futbolu2024-04-30 11:25
“Qarabağ” – “Neftçi” oyununun stadionu dəyişib