Ölkə futbolu
Danimarka klubundan "Qarabağ" azarkeşlərinə müraciət
Danimarkanın "Kopenhagen" klubu futbol üzrə UEFA &Cce…
Danimarkanın "Kopenhagen" klubu futbol üzrə UEFA Çempionlar Liqasının pley-off mərhələsi çərçivəsində keçiriləcək cavab oyunu ilə əlaqədar "Qarabağ" azarkeşlərinə müraciət edib.
Futbolinfo.az xəbər verir ki, bununla bağlı klubun saytında rəsmi açıqlama yerləşdirilib. Ağdam təmsilçisinin fanatlarına avqustun 23-də cavab görüşünün təşkil olunacağı "Parken" stadionunda daxili nizam-intizam, bölgü və təhlükəsizlik qaydaları çatdırılıb. O da vurğulanıb ki, qonaq komanda tərəfdarları biletləri yalnız "Qarabağ" klubu vasitəsilə əldə edə bilərlər.
"Parken" stadionu 38 min tamaşaçı tutumuna malikdi. Bu isə o deməkdir ki, "Qarabağ" azarkeşləri üçün 1900 nəfərlik sektor ayrılacaq.
Qeyd edək ki, iki komanda arasındakı ilk oyun avqustun 15-də Bakıdakı Tofiq Bəhramov adına Respublika stadionunda keçiriləcək. Oyun saat 20:00-da başlanacaq. Cavab görüşü isə Bakı vaxtı ilə saat 22:45-də start götürəcək.