Ölkə futbolu
"Qarabağ" Azərbaycanı irəli saldı
UEFA Çempionlar Liqasının pley-off mərhələsinin son oyunla…
UEFA Çempionlar Liqasının pley-off mərhələsinin son oyunları Azərbaycanın UEFA reytinqindəki mövqeyinə təsirsiz ötüşməyib.
Futbolinfo.az xəbər verir ki, ölkəmiz bu siyahıda yenidən bir pillə irəliləyib.
Ötən gün Azərbaycanın avrokuboklarda mübarizəni davam etdirən yeganə təmsilçisi – "Qarabağ" növbəti oyununu keçirdi. Səfərdə Danimarka "Kopenhagen"i ilə qarşılaşan əyalət klubu 1:2 hesabıyla uduzdu. Lakin doğma meydanda 1:0 hesabıyla qalib gələn Qurban Qurbanovun çalışdırdığı kollektiv səfər qolu sayəsində tarix yazaraq ÇL-in qrup mərhələsinə vəsiqə qazandı. ÇL-in qrup mərhələsinə vəsiqə qazanmaq isə hər klubun ölkəsinə əlavə 1,000 reytinq (təsnifat mərhələsindəki 4 qələbəyə bərabər xal) xalı qazandırır. Ağdam klubunun bu uğuru da Azərbaycanın reytinqinə əlavə 1.000 xal yazdırıb.
Hazırda UEFA reytinqində 55 ölkə arasında 22-ci pillədəyik. Azərbaycanın hesabında 18.625 reytinq xalı var. Onun 3.875 xalı (2.125 "Qarabağ", 0.750 "İnter", 0.625 "Zirə", 0.375 "Qəbələ"nin payına düşür) cari mövsümdə qazanılıb. Bizdən öndə qərarlaşan Rumıniyanın 18.650 reytinq xalı var və 2 təmsilçisi mübarizəni davam etdirir. Azərbaycanı 17.625 xala malik Şotlandiya izləyir. Bu ölkənin isə bizim kimi, cəmi 1 təmsilçisi yoluna davam edir.
Onu da əlavə edək ki, klublarımızın təsnifat mərhələsindəki istənilən qələbəsi Azərbaycana 0.250 reytinq xalı qazandırır, heç-heçə isə 0.125 xal verirdi. Qrup mərhələsində heç-heçə 0.250, qələbə 0.500 xalla qiymətləndiriləcək.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza