Ölkə futbolu
Qrant Bakıya niyə gəlib?
Tanınmış məşqçi Avram Qrant Bakıya gəlib. İsrailli m&uu…
Tanınmış məşqçi Avram Qrant Bakıya gəlib. İsrailli mütəxəssis paytaxtımıza dünən təşrif buyurub.
“Çelsi”nin sabiq çalışdırıcısının Azərbaycana səfərinin məqsədi açıqlanmır. Bununla belə, Qrantın məskunlaşdığı “Boulevard Hotel”in nümayəndəsi “apasport”un əməkdaşı ilə söhbətdə onun burada qaldığını təsdiqləyib. Bildirilib ki, 62 yaşlı məşqçi Bakını sabah tərk edəcək.
Qrantla “Qarabağ”ın müdafiəçisi Yakub Jezniçak görüşüb. Bu barədə polşalı müdafiəçi sosial şəbəkədə paylaşım edib. O, Qrantla çəkdirdiyi şəkli paylaşaraq, təcrübəli mütəxəssisin Bakıda olduğunu bildirib: "Böyük məşqçi ilə böyük görüş".
Əvvəllər İsrail yığması, həmçinin “Makkabi”, “Hapoel”, “Portsmut”, “Vest Hem” və “Partizan” klublarını da çalışdırmış Avram Qrantın son iş yeri bu il ayrıldığı Qana millisi olub.
Qrantın baş məşqçi axtarışında olan “Neftçi” ilə danışıq aparmaq üçün paytaxtımıza gəldiyi də iddia olunur. Ancaq klubun mətbuat xidmətinin rəhbəri Rüstəm Əfsərli qol.az-a açıqlamasında israilli mütəxəssislə danışıq aparılmadığını bildirib: “Qrantın “Qarabağ”ın futbolçusu Kuba ilə şəklini Feysbukda görmüşəm. Ancaq onun Bakıya səfərinin “Neftçi” ilə bağlılığı yoxdur”.
Klub rəsmisi yaxın günlərdə yeni baş məşqçi məsələsinin dəqiqləşəcəyini deyib. O, komandaya müvəqqəti rəhbərlik edən Elşad Əhmədovun baş məşqçi təyin ediləcəyini istisna etməyib: “Böyük ehtimalla yeni baş məşqçi yerli mütəxəssis olacaq. Hələ ki, komandaya Elşad müəllim rəhbərlik edir. “Kəpəz”lə oyundan sonra rəhbərlik onun işindən razı qaldı. Yaxın günlərdə, məşqçi təyinatı ilə bağlı rəsmi məlumat verəcəyik”.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”
- Ölkə futbolu2024-05-08 20:41
PFL, “YAŞAT” Fondu və “Badamlı” arasında müqavilə imzalandı
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”