Dünya futbolu
Panama da DÇ-yə vəsiqə qazandı – ABŞ kənarda qaldı
KONKAKAF zonasında DÇ-2018-in seçmə mərhələsində s…
KONKAKAF zonasında DÇ-2018-in seçmə mərhələsində son turun oyunları keçirilib.
Futbolinfo.az xəbər verir ki, ABŞ millisi səfərdə qrupun autsayderi Trinidad və Tobaqo ilə qarşılaşıb. ABŞ autsayderlə oyunda 1:2 hesabı ilə məğlub olaraq, DÇ-dən kənarda qalıb.
ABŞ-ın büdrəməsindən Honduras maksimum yararlanıb. Honduras öz meydanında lider Meksikaya 3:2 hesabı ilə qalib gələrək, pley-off mərhələsinə vəsiqə əldə edib.
Kosta Rikanı qəbul edən Panama isə 2:1 hesabı ilə qalib gələrək, DÇ-yə birbaşa vəsiqə qazanıb. Hansı ki, bu, sözügedən ölkənin tarixində ilk belə hadisədir. Panamalılar indiyə qədər dünya çempionatlarının final mərhələsində çıxış etməyiblər.
KONKAKAF zonasında Kosta Rika ilə Meksika DÇ-yə vəsiqəni daha öncə təmin etmişdi.