Ölkə futbolu
AFFA-nın fəaliyyətinin güzgüsü: 18 günə 11 məğlubiyyət, 7 darmadağın, buraxılan 44 top
Bu gün daha biri reallaşdı. Milli komandalarımız AFFA-nın f?…
Bu gün daha biri reallaşdı. Milli komandalarımız AFFA-nın fəaliyyətsizliyini sübut etməkdə israrlıdı. Növbəti darmadağın göstərdi ki, futbolumuzun sabahı da məhv edilib.
17 yaşadək futbolçulardan ibarət Azərbaycan millisi bu gün Avropa çempionatının ilkin seçmə mərhələsi çərçivəsində ikinci oyununu keçirdi və yenə 6 qol buraxdı. Mirbağır İsayevin yetirmələri Bolqarıstanda Ukrayna yığması ilə qarşısında darmadağın oldu. İlk matçda İrlandiyadan 6 cavabsız top buraxan həmyerlilərimiz bu dəfə təsəlli qolu vura bildi.
2 oyuna 12 top buraxan millimiz ölkədə uşaq futbolunun hansı səviyyədə olduğunu nümayiş etdirir. Uşaq liqalarına rəhbərlik mütəxəssislərə deyil, aylıq 10 min manat paket alan marketoloqa tapşırılırsa, nəticə belə də olmalıdı. AFFA-nın baş katibi Elxan Məmmədovun dostu olmaqdan başqa heç bir xidməti olmayan Yusif Vəliyevin qurduğu sistemin meyvələri elə bu cür kal olmalıydı.
Bu nəticələrə görə AFFA-nın texniki direktoru Bernard Lippert də cavab verməlidi. 10 ildi nə iş gördüyü bilinməyən, illik 360 min avro qazanan alman aşağı yaş qrupundan olan millilərə birbaşa cavabdehdi. Elxan Məmmədovun daydaylıq etdiyi bu şəxs isə yalnız bəhanələrlə vaxt öldürür, ölkəmizin imicinin korlanmasına töhfə verir.
Bugünə kimi son 18 gündə milli komandalarımız 13 oyun keçirib, bunlardan 11-də uduzub. Bu məğlubiyyətlərdən 7-si biabırçı hesabla reallaşıb. Top fərqi də faciəvidi – 9:44. 10 ilin hakimiyyətinin, maliyyə bolluğunun yekunu belə olmamalıydı.
A milli komandası
Çexiya 1:2, Almaniya 1:5
U-21
Almaniya 1:6
U-19
İrlandiya 0:0, Serbiya 1:4, Kipr 1:2
U-17
İrlandiya 0:6, Ukrayna 1:6
U-17 (qızlar)
İslandiya 0:2, İspaniya 0:3, Monteneqro 1:1
U-16
Gürcustan 1:5, Gürcustan 1:2
AĞA
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-16 09:10
Lunyov “Qarabağ”dan ayrıla bilər
- Ölkə futbolu2024-04-17 09:23
Mirzov “Neftçi”dən ayrılır: Premyer Liqadan təklifləri var