Ölkə futbolu
AFFA bu komandanı çempionatdan kənarlaşdırdı
Bu gün AFFA İntizam Komitəsinin iclası keçirilib.
Fu…
Bu gün AFFA İntizam Komitəsinin iclası keçirilib.
Futbolinfo.az xəbər verir ki, aparılan müzakirələrdən sonra aşağıdakı qərarlar çıxarılıb:
Gənclər Liqasında “Kəpəz” – “Qəbələ” matçının 78-ci dəqiqəsində “Kəpəz”in futbolçusu Seymur Əhmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasında “Sumqayıt” – “İnter” matçının 80-ci dəqiqəsində “Sumqayıt”ın futbolçusu Elçin Abbasov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasında “Turan” – “Kəpəz” matçının 78-ci dəqiqəsində “Kəpəz”in futbolçusu Nemət Musayevlə “Turan”ın futbolçusu Fərid Hüseynov təhqiredici ifadələr işlətdiyinə görə meydandan kənarlaşdırıldıqları üçün hər ikisi 3 oyun cəzalanıb.
U-16 Liqasında “Sumqayıt” – “Vətən” matçının 70-ci dəqiqəsində “Vətən”in futbolçusu Rəhim Cəfərli ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasında UGİM (Göygöl) – Şəms UGİM-1 matçının 44-cü dəqiqəsində UGİM-in futbolçusu Arif Rəhimov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-11 Liqasında “Gəncə TİM” (Gəncə) – “Azəri TİM” (Gəncə) matçında “Azər TİM” klubunun məşqçisi Elşən Əliyev texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.
U-11 Liqasında “Gənclik FT Gimnaziya” (Gəncə) – “Ümid TİM” (Gəncə) matçında “Gənclik FT Gimnaziya” komandası iştirak etmədiyinə görə, 0:3 hesablı texniki məğlubiyyət verilib. Bu hal 3-cü dəfə təkrar olunduğu üçün komanda yarışlardan kənarlaşdırırlıb.
U-11 Liqasında UGİM (Mingəçevir) – UGİM (Bərdə) matçında UGİM (Mingəçevir) komandasanın heyətində lisenziyası olmayan futbolçu iştirak etdiyinə görə kluba 0:3 hesablı texniki məğlubiyyət verilib.
U-10 Liqasında “Göyçə” (Bakı) – “Sərhədçi” (Bakı) matçında “Göyçə” komandası iştirak etmədiyinə görə, kluba 0:3 hesablı texniki məğlubiyyət verilib.
U-10 Liqasında “Kəpəz” (Gəncə) – UGİM (Gənclərbirliyi) matçında UGİM komandasının heyətində yetərsay olmadığına görə, kluba 0:3 hesablı texniki məğlubiyyət verilib.
U-13 qızlar Liqasında UGİM (İsmayıllı) – “Natavan Təhsil” (Gəncə) matçında “Natavan Təhsil” komandası iştirak etmədiyinə görə, kluba 0:3 hesablı texniki məğlubiyyət verilib.
Qızlar Yüksək Liqasında “Təhsil” FM – “Qubek” (Balakən) matçında “Qubek” klubunun baş məşqçisi İdris Bədirov texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.