Ölkə futbolu
Yaşar Seyidovun tövsiyə planı və reallıq
Milli komandanın baş məşqçi postunun Qurban Qurbanova tapş…
Milli komandanın baş məşqçi postunun Qurban Qurbanova tapşırılması ölkə futbol tarixində mühüm hadisədi. AFFA uzun illər əcnəbilərə qucaq açdıqdan, milyonları onlara yedizdirdikdən sonra anladı ki, bu, çıxış yolu deyil. Kadr potensialı yoxdusa, yüksək ödənişli məşqçi yalnız aldadıcı görüntü yarada bilər.
Elə bu səbəbdən milli komandalarda davamlı inkişafa nail olmaq, bütün yaş qrupları üzrə milliləri eyni üslublu oyun tərzinə uyğunlaşdırmaq, ən əsası, potensiallı yeniyetmələrin üzə çıxarlmasını müxanizmə çevirmək üçün strategiya dəyişdirildi. Qurbanovun boynuna bütün futbol təsərrüfatının yükü qoyuldu və milli komanda adına inkişaf planı tamamilə bu adama tapşırıldı.
AFFA İcraiyyə Komitəsinin son iclasında verilən qərar, seçilən strategiya, əslində, 20 ildir mətbuatın yazdıqlarının həyata keçirilməsi idi. Media əhli uzun illərdi məhz bu strategiyanın seçilməsinin, sistemin qurulmasının vacibliyini bildirir. İndi həmin təkliflər paket halına salınıb işlənməlidi.
AFFA-nın 20 ildən sonra ağlına batan bu sistem də özlərinin beyninin məhsulu deyil. Dünən “Bakı”nın vitse-prezidenti Yaşar Seyidovun redaksiyamızın poçtuna göndərdiyi məktubdan anlaşılır ki, bunu proqram halında məhz o, AFFA-ya təklif edibmiş. Seyidovun 2016-cı ilin mayında göndərdiyi sənəd/məktub əsasında assosiasiya rəsmiləri yeni proqram hazırlayıb, ona bəzi dəyişikliklər edərək, həyata keçirilməsinə çalışırlar.
Yaşar bəyin AFFA-nın baş katibi Elxan Məmmədova, eləcə də Məşqçilər Komitəsinin sədri Vaqif Sadıqova ünvanladığı həmin məktubda indi planlaşdırılan strategiyanın ana xətti mövcuddu. Düzdü, orada baza-klub kimi “Bakı” göstərilib, AFFA isə “Qarabağ”ı seçib. Olsun, lakin elə həmin “Bakı”nın boş qalan təlim-məşq bazasının da xidmətlərindən istifadə etmək, oranı milli komandaların mərkəzi düşərgəsinə çevirmək olar.
Əsas odur, iş başlayıb. İndi Qurbanovun ətrafında birləşmək, süçilmiş yolda ona dayaq olmaq, yardım etmək vacibdi.
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 15:38
AFFA 6 kluba lisenziya verdi
- I Liqa2024-05-15 16:12
Məmmədov: “Premyer Liqaya vəsiqə qazanmasaq, bizim üçün faciə sayılacaq”
- Ölkə futbolu2024-05-15 14:39
Premyer Liqanın ən reytinqli futbolçusu: ilk 6 yer “Qarabağ”ın oldu