Müsahibə
“Hakimlər hadisəni bəzən düzgün qiymətləndirmirlər”
Futzal üzrə Azərbaycan çempionatının Yüksək Liqa…
Futzal üzrə Azərbaycan çempionatının Yüksək Liqasında 8-ci turun son oyunu – “Marafon Futsal” – “FK İD Futsal2 görüşü məhsuldarlığı ilə yadda qaldı.
Futbolinfo.az xəbər verir ki, iki debutant komandanın duelindən “Marafon Futsal” qalib ayrıldı. Həm də bu oyunda mövsümün üçüncü pokeri qeydə alındı. “Marafon Futsal”ın üzvü Seymur Məmmədov 4 qol vurmaqla komandası adına ikinci belə uğura imza atdı. Oyundan sonra futzalçı Futzal Federasiyasının mətbuat xidmətinə müsahibə verib:
– Oyunun bu şəkildə keçəcəyini gözləyirdin?
– Maraqlı oyun oldu. Bizim üçün qələbə qazanmaq vacib idi. Çünki iki ardıcıl məğlubiyyət almışdıq. Həm də hər iki komanda bu ildən Yüksək Liqada çıxış edir. Düzgün oynadıq, epizodları düzgün qiymətləndirdik. Buna görə də qələbə qazandıq. Komanda yoldaşlarım bu gün öz bacarıqlarını göstərdilər, hamısına yaxşı oyuna görə təşəkkür edirəm.
– “Araz” və “Neftçi”yə məğlubiyyətləri nə ilə əlaqələndirirsən? Təcrübə baxımından onlardan geri qaldınız?
– Deməzdim, təcrübəsizik. Əksər futzalçılarımız başqa klubların heyətində Yüksək Liqada oynayırblar, təcrübəlidirlər. Burda bizdən asılı olmayan səbəblər təsirini göstərdi. Hakimlərin yanlış qərarlarını nəzərdə tuturam. Bəzən hadisəni düzgün qiymətləndirmirlər, bu da nəticəyə təsir edirdi. Məğlubiyyətlərdə bu amilin rolunun böyük olduğunu qeyd edə bilərəm.
– Bu gün poker etdiniz. Dörd qol vurcağınızı gözləyirdinizmi?
– Komandanın qələbə qazanması vacibdir. Vurduğum qollara gəldikdə, bu da Allahın qismətidir. Əsas odur ki, meydanda üzərinə düşəni edəsən.
– Oyun zamanı çox əsəbi olursan. Bəzən yersiz mübahisələrdən də qaçmırsan…
– Razıyam, oyun zamanı emosiyalarımı boğa bilmirəm. Həm də bəzən gözləmədiyin oyunçu meydanda sənə qarşı elə hərəkət edir ki, çalışırsan cavabını verəsən. Yəni sakit ola bilmirsən və bu da sonda cəzalanmağına gətirib çıxarır.
– Həmin hərəkəti sən də digər futzalçıya edirsən axı..
– Buna görə bəzən onlar mənə heç nə demirlər. Oyun vaxtı sakit olmaq mümkün deyil. Oyunun axarına qoşulursan.
– Bu oyunla milliyə yollanacağın dəqiqdi…
– Baş məşqçi Joze Alesio da Silva əsas milliyə dəvət edib. Bakıdakı toplanışda iştirak edəcəm. Yəqin ki, İrandakı beynəlxalq turnirə də yollanacam. Hər bir idmançı üçün fəxr olunası andı millinin üzvü olmaq.
– Turnirdəki rəqiblərlə bağlı nə düşünürsən?
– Gücləri hamıya bəllidi. Reytinq cədvəlində hamısı bizdən öndədirlər. Rusiya dünya çempionatında ikinci yeri tutub. Daim Avropa və dünya çempionatlarının final mərhələsində iştirak edir. İran isə mundialı üçüncü yerdə qapayıb. Qazaxıstan da güclü rəqibdir. Bir sözlə, bizi çətin oyunlar gözləyir. Yığmamız da güclülər sırasındadı ki, turnirə dəvət ediblər.
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 15:38
AFFA 6 kluba lisenziya verdi
- I Liqa2024-05-15 16:12
Məmmədov: “Premyer Liqaya vəsiqə qazanmasaq, bizim üçün faciə sayılacaq”
- Müsahibə2024-05-15 08:00
Xvalko qərarını verməyib: “Həmin anda nəsə deməyin xeyri olmayacaqdı”