Tərlan Əhmədov: “İstərdim ki, haqq-ədalət öz yerini tapsın”

Topaz Premyer Liqasının 14-cü turunda səfərdə “Qarabağ”a uduzan (0:1) “Neftçi”nin baş məşqçisi Tərlan Əhmədov oyunsonrası mətbuat konfransında jurnalistlərin suallarını cavablandırıb.

Futbolinfo.az xəbər verir ki, Əhmədov əvvəlcə matçla bağlı fikirlərini bildirib: 

– Fanatlarımıza təşəkkür edirəm. Komandamıza sona kimi dəstək oldular. İki fərqli hissə izlədik. İlk hissədə müdafiəyə qapandıq. Bu, planımızda yox idi. İkinci hissədə isə istədiyimizin 70 faizini rellaşdıra bilmədik. “Qarabağ”a Çempionlar Liqasında uğurlar arzu edirəm.

– Krivotsyuk künc zərbələri zamanı rəqibin cərimə meydanşasına girə bilmirdi.
– “Qarabağ” bizi əks-hücumlarda yaxalaya bilərdi. Buna görə, Məhəmmədlə Krivotsyuku arxada saxlayırdıq.

– Bu gün AFFA İntizam Komitəsi Nizami Hacıyev və Mirhüseyn Seyidovu ömürlük futboldan kənarlaşdırdı. Düşnümürsüz ki, bu, “Neftçi”yə qarşı atılmış addımdı Çünki hər iki futbolçunun “Neftçi”yə keçidi gündəmdə idi.
– Məşqçi olaraq İntizam Komitəsinin qərarına hörmətlə yanaşıram. Nizami Hacıyevlə danışıqlarımız olsa da, Mirhüseynlə belə danışığımız olmayıb. Nizami ilə kubokun 1/4 final oyunundan sonra anlaşmağı planlaşdırmışdıq. Niyə belə olub, bilmirəm. İstərdim ki, haqq-ədalət öz yerini tapsın. Mirhüseyn isə mənim siyahımda olmayıb.

– Mirhüseyn Seyidov “Neftçi” ilə oyunda qəsdən zəif çıxış etdiyini dedi. Siz oyun zamanı bunu hiss etdiz?
– Oğru elə bilir ki, hamı oğrudu. Həyatım boyu heç kimi belə bir şeylə ittiham edə bilmərəm. Mən həmişə öz oyunumuza baxıram. Rəqibdə nə baş verdiyi mənim marağımda deyil. Bu məsələ ilə hüquq-mühafizə orqanları, İntizam Komitəsi məşğul olsun, bunu yaxşı araşdırsınlar. Bunu “Neftçi” ilə əlaqələndirmək olmaz. Bu gün çox futbolçu “Neftçi”yə keçmək istəyir. Bu o demək deyil ki, bütün bu futbolçular “Neftçi”yə keçəcək, bizimlə oyunda zəif çıxış edəcəklər.  

– Mirabdulla Abbasovun 10 dəqiqə sərgilədiyi oyun Barqasın 80 dəqiqədəki çıxışından daha effektli idi. Ona daha çox şans verməyə sizə nə mane olur?
– Futbola siz başqa cür baxırsız, mən başqa cür. Mirabdulla bu gün 30-35 dəqiqəlik futbolçudu. O, fiziki cəhətdən tam hazır deyil. Mən kluba gələndə onun zədəsi var idi. Futbolçu elədi ki, çıxışı bir oyun alına bilər, bir oyun alınmaya bilər. (Komanda)