Ölkə futbolu
“Neftçi”nin İlkin transferi
“Neftçi” transfer çalışmalarına başlayı…
“Neftçi” transfer çalışmalarına başlayıb. Lazımsız oyunçuları göndərən bakılılar, onların yerini daha yaxşılarla doıdurmaq niyyətindədi. Amma…
Futbolinfo.az xəbər verir ki, baş məşqçi Tərlan Əhmədovun transfer siyahısında olan yerli oyunçular heç də ümid vəd etmir. “Qəbələ”dən gəlişi gözlənilən Elvin Məmmədov belələrindəndi. Düzdü, onun oynadığı mövqedə, hücumçuların arxasında “Neftçi”yə yeni futbolçu lazımdı. Lakin Elvin həmin boşluğu dolduracaq səviyyədə birisi deyil, yaxşı günlərini çoxdan arxada qoyub.
Elvin kimi “Qəbələ” ilə müqaviləsi davam edən Aqil Məmmədovun gəlişi pis olmazdı. Ancaq Rəşad Əzizli əla mövsüm keçirir, üstəlik, Səlahət Ağayev də zədəsini sağaltmaq üzrədi. Bu səbəbdədn Əhmədovun qapıçı axtarışı yersizdi. Aqilin bu mövsüm forma geymədiyini nəzərə alsaq, oyun praktuikasından əziyyət çəkən qolkiperin transferi risklidi. Amma Tərlan bəy “Neftçi”də oynamış, üstəlik, AZAL-da bacarığına bələd olduğu futbolçunu yanında görmək istəyir.
Təbii ki, bu keçidlərin baş tutması üçün “Qəbələ”nin də razılıq verməsi lazımdı. “Qırmızı-qaralar” bəlkə də Elvinin gedişinə əngəl olmaz, amma Aqil baş məşqçi Roman Qriqorçuka lazımdı. O, təcrübəli Aqili Dmitri Bezotosnıya layiqli rəqib kimi saxlayır və yerli statusu olduğundan, onan imtina etməyəcək.
“Neftçi”nin ən qəribə transferi İlkin Qırtımovla bağlıdı. “Keşlə”dən ayrılan sağ cinah müdafiəçisi bu gün bakılılarla rəsmi anlaşma imzalayacaq. O, əks marşrutla yollanan Məqsəd İsayevin əvəzinə alınır. Transferin qəribəliyi paytaxt klubunun bu mövqeyə oyunçu alışına ehtiyacı olmadığı halda bunu etməsidi. Görünür, Əhmədov Peşəkar Futbol Liqasının prezidenti Ramin Musayevin bacısı oğlu Polad Nəbizadənin sözündən çıxa bilmir. Tərlan bəy Musayevin xahişiylə bu posta gəldiyindən, indi borcunu belə qaytarır.
İndidən deyə bilərik ki, Qırtımov "Neftçi" səviyyəsində oyunçu deyil. Lakin görünür, bu amil kimlər üçünsə heç də ən vacib məsələ deyil.