Müsahibə
“Bezotosnı mənim səviyyəmdə deyil, hələ məşq etməlidi”
“Qəbələ”nin ukraynalı müdafiəçisi Vitali …
“Qəbələ”nin ukraynalı müdafiəçisi Vitali Vernidub ölkəsinin zbirna.com saytına geniş müsahibə verib. Futbolinfo.az xəbər verir ki, təcrübəli futbolçu Azərbaycandakı karyerası haqda danışıb.
– Sanki dünən “Zarya”nın formasını geyinirdiniz. Azərbaycanda keçirdiyiniz 2 il yarım müddət 1 gün kimi keçdi…
– Əksinə (gülür). Ailədən uzaq yaşamaq mənəvi cəhətdən çətindi. Belə halda, günlər uzanır.
– Yaxınlarınız yanınıza tez-tez gəlirmi?
– Ailəm 3 ay yanımda yaşadı. Sonra qərar qəbul etdik ki, övladımıza görə evdə qalsalar, yaxşıdı. Çünki uşaq orda üzgüçülüklə məşğul olur, müxtəlif dərnəklərə gedir.
– “Zarya”nı çalışdıran atanız Yuri Vernidub Azərbaycanda sizə baş çəkibmi?
– Bir dəfə anamla birgə gəlmişdilər. Yığmaların oyunları ilə əlaqədar, həmin vaxt çempionatda fasilə yaranmışdı. Mən onlara gözəl şəhər olan Bakını göstərdim.
– Qalan məsələlərdə “Qəbələ” sizi hər tərəfdən qane edirmi?
– Bəli, hər şey əladı. Klub rəhbərliyi yalnız futbolu düşünməyimiz üçün hər şeyi edir.
– Son 4 ildə Azərbaycan çempionu olan “Qarabağ” cari mövsümdə yeganə məğlubiyyətini “Qəbələ”dən alıb. Buna baxmayaraq, turnir cədvəlində həmin komandadan 6 xal geridəsiniz…
– Üzərində işləməli olduğumuz nüanslar var. Əfsuslar olsun ki, xal itirməməli olduğumuz oyunlarda bu vəziyyətlə üzləşdik. Bununla belə, mübarizənin hələ irəlidə olduğuna inanıram. Çünki qarşıda çempionatın iki dövrəsi var. Deməli, “Qarabağ”la vacib 2 oyunumuz da qalır.
– “Qəbələ”nin 2017-ci ildə ən böyük məyusluğu Avropa Liqasının qrup mərhələsinə çıxmamağı oldu?
– Şübhəsiz. İki dəfə Avropa Liqasının qrupuna düşməklə buna öyrəşmişdik. Avrokubokda oynamayanda mövsüm natamam olur.
– “Zarya”da bir yerdə oynadığınız futbolçulardan kimisə Qəbələyə dəvət etmisizmi?
– Bu barədə Aleksey Şevçenko ilə danışmışam. Nəzərə alaq ki, biz Bakıda yaşayarıq, orda görməli çox yer var. Amma Şevçenkonun gəlişi baş tutmadı.
– Paytaxtda qalırsız?
– Yarım ildi ki, komanda orda məskunlaşır. Qəbələyə ancaq oynamağa gedirik. Rəhbərlik bu addımı legionerlərin özlərini daha rahat hiss etməsi üçün atıb. Qəbələ Bakıdan 200 km aralıda yerləşir. İki saat yarımlıq yol gedirik.
– Boş vaxtlarınızda nə edirsiniz?
– Televizora baxıram, “PlayStation” oynayıram, kinoteatra gedirəm, kitab oxuyuram. Amma yenə də ailədən uzaq, tək qalanda çətindi.
– Komanda yoldaşlarınızdan kiminlə daha çox “PlayStation” oynayırsız?
– Dmitri Bezotosnı ilə, amma mənim səviyyəmdə deyil. Dima hələ uzun müddət və səylə məşq etməlidi (gülür).
– Azərbaycanda qış fasiləsinin müddəti uzun deyil?
– Məzuniyyəti də nəzərə alsaq, iki aydan azdı. Hazırlıq uzun çəkəndə yaxşıdı. Türkiyədə iki toplanış keçəcəyik. Ailəmizi də özümüzlə oraya apara bilərik. Toplanışlar arasında fasilə də olacaq.
– “Qəbələ” ilə müqavilənizin müddəti nə vaxta kimidi?
– Cari mövsümün sonuna kimi.
– Gələcək karyeranız haqda düşünürsüzmü?
– Xeyr. İndi bütün fikrimiz çempionatda “Qarabağ”ı keçə bilmək və Azərbaycan kubokunda yaxşı çıxış etməkdi. Yeri gəlmişkən, bu turnirdə yarımfinala adlamışıq.
– Ukraynaya qayıtmaq fikriniz yoxdu?
– Ölkəndən kənarda uzun müddət qalmaq ağırdı. Ümid edirəm ki, nə vaxtsa qayıdacam və vətənimdə də oynayacam. (Apasport)
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-12 20:56
“Sumqayıt”la “Zirə”dən heç-heçə