Ölkə futbolu
Premyer Liqada komanda sayı artmayacaq
Növbəti mövsümdə Premyer Liqa iştirakçıları…
Növbəti mövsümdə Premyer Liqa iştirakçılarının sayı dəyişməyəcək. 2018/19 mövsümü də 8 komandanın iştirakı ilə reallaşacaq.
Futbolinfo.az saytının əldə etdiyi məlumata görə, buna səbəb maliyyə problemləridi. Həm divizion, həm də elitadakı klubların əksəriyyəti SOCAR tərəfindən maliyyələşdiyi üçün say artımı mümkün deyil. Aşağı dəstədə xərclər daha az olduğundan, klub sayının Premyer Liqada artırılması sərfəli deyil.
AFFA 8 komandalı sabit çempionatın davam etməsini planlaşdırır. Yalnız yeni Dövlət Proqramının qəbul edilməsindən sonra hansısa say artımı mümkündü. Hələliksə, assosiasiya elitada sayı yox, rəqabəti artırmaq istəyir. Klubların güclənməsi üçün SOCAR-ın “əlinə baxanlar”ın büdcələrinə əlavələr edilməsi mümkündü.
Möcüzə baş verməsə, mövsümün sonunda AFFA-nın maliyyələşdirdiyi klublardan biri diviziona düşəcək. Müstəq il klublar olan “Qarabağ”, “Qəbələ” və “Zirə” təhlükəli zonadan uzaqdadı, sonrakı 5 pilləni isə “SOCAR-dan qidalananlar” tutur. “Keşlə” ilə “Kəpəz” “zirzəmi”yə düşməyə ən real namizədlərdi. Mənbəmizə inansaq, sonuncu yeri tutan süni şəkildə xilas edilməyəcək, diviziondan lisenziya şərtlərini yerinə yetirən və ən yaxşı nəticə göstərən komanda elitaya yüksələcək.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”