Ölkə futbolu

Rauf Əliyev hədəfdə

AFFA prezidenti Rövnəq Abdullayev konfranslardan birində, Berli…

Saat: 10:34 Tarix: 13/01/2018

tərəfindən paylaşıldı

AFFA prezidenti Rövnəq Abdullayev konfranslardan birində, Berlində yaradılan uşaq məktəbi layihəsinin fiaskoya uğrama səbəblərindən danışmış və Rauf Əliyevi nişan vermişdi. O, layihənin birinci vitse-prezidentin təşəbbüsü olduğunu söyləmiş və özünü doğrultmadığı üçün fəaliyyətinin dayandırıldığını dilə gətirmişdi.

Bu layihə 2009-cu ildə başlanmış və 2014-ün sonuna kimi davam etmişdi. AFFA-nın rəsmi hesabatlarından çıхarılan rəqəmlərə görə, Berlin Futbol Məktəbinə 1,3 milyon dollar (!!!) xərclənmişdi. Məktəbin qeyri-rəsmi koordinatoru təyin edilən Rauf bəy təqdimatda iştirak etmiş, ümumi işlərə nəzarəti üzərinə fötürmüş, lakin 5 il ərzində heç bir nəticəyə nail olmamışdı. Azərbaycan mətbuatına açıqlama verən məktəbin rəhbəri Tofiq Qarayev bildirmişdi ki, 2014-cü ilədək məktəbin məşqçilərinə 5, daha sonra isə 3 min avro maaş verilib. Hesablamalara görə, bu, 2009-2014-cü illərdə 400 min dollar edir. Göründüyü kimi, təхminən 900 min dollar vəsait "havaya buхarlanıb". Millət vəkili indiyədək həmin 900 min dolların hesabatını verməyib. AFFA rəhbərliyi 2015-ci ilin əvvəlində layihəni dayandırıb.

İndi Rauf Əliyev yenidən gündəmdədi. Birbaşa adı açıqlanmasa da, hadisələrin gedişi göstərir ki, AFFA-da birinci vitse-prezident olan millət vəkili gec-tez top önünə qoyulacaq.

Bu insanların xisləti budur. Elə ki, iş çətinə düşdü, günahkarı başqa yerdə axtarırlar. Quyruq qapı arxasında qalınca əlbir olduqları bütün adamları arxalarınca dartırlar. Günahı, məsuliyyəti bölüşərək, özlərini xilas etməyə çalışırlar.

AFFA-nın Uşaq və Gənclər üzrə Yarışların Təşkili Şöbəsinin müdiri Yusif Vəliyev son vaxtlar idman mətbuatında ən çox tənqidə məruz qalan şəxslərdən biridir. O, uşaq futbolunun inkişaf etməməsində birbaşa məsuliyyət daşıyan şəxslərdən biri kimi göstərilir. Və oxu.az onunla danışmaq qərarına gəlib. Vəliyevsə günahın onda yox, başqalarında olduğunu bildirib, hədəf göstərib.

Yusif bəyin kimin qohumu olduğunu bilmirik, lakin necə tapşırılıbsa, AFFA-nın baş katibi Elxan Məmmədov onu qorumaq üçün maksimum güc sərf edir. Bir neçə mətbu orqan eyni hədəfə vurub, Vəliyevi ittiham edəndə isə o, ittihamlara cavab verməyə, fərqli hədəflər göstərməyə çalışıb. 6-7 min manat olduğu deyilən “paket” maaşa işləyən bu cavan oğlan özünü təmiz, çalışqan biri kimi təqdim edib.

Sual: “Sizin uşaq futbolunun inkişafına mane olduğunuz bildirilir. Üstəlik, keçirdiyiniz liqalarda yetərincə qanun pozuntularının olduğub hər tur AFFA İntizam Komitəsinin çıxardığı qərarlara əsasən ictimaiyyətə bəlli olur. Buna görə də sizin fəaliyyətiniz qınanılır. Belə demək mümkünsə, fəaliyyətinizin ancaq medal təqdim olunması ilə kifayətləndiyi bildirilir. Siz isə heç vaxt bu ittihamlara cavab verməmisiniz. Bu isə o anlama gəlir ki, susursunuzsa, ittihamlarla razısınız…”

Cavab: “Həmin yazıların bəziləri ilə tanışam. Əvvəla, indiyədək hər hansısa mətbuat əməkdaşı mənim bu barədə mövqeyimi öyrənmək istəməyib. Mən hər zaman media nümayəndələrində öz sahəmə dair qaranlıq qalan məqamları aydınlatmağa hazıram. İkincisi, mən uşaq futbolunun inkişafına cavabdeh olan şəxs deyiləm. Mənim rəhbərlik etdiyim şöbə yalnız uşaq futbolu ilə bağlı yarışların keçirilməsinə cavabdehlik daşıyır. Düşünürəm ki, uşaq futbolu bizdə inkişaf edir. Ancaq bu sahəyə mən cavabdeh deyiləm…”

Sual: “Bəs kim cavabdehdir?”

Cavab: “Bunun üçün mümkünsə, AFFA-nın İnformasiya və İctimaiyyətlə Əlaqələr Departamenti ilə əlaqə saxlayın. Onlar sizə uşaq futbolunun inkişafında məsul olan şəxsləri və ya qurumu açıqlayarlar. Təkrar edirəm ki, bizim şöbə yalnız təşkilati işlərlə məşğuldur. Məsələn, oyunlar üçün stadionların təşkili, oyunların cədvəli, komandaların məlumatlandırılması, qeydiyyat və s. məsələlər bizə aiddir. Məhz bunun nəticəsidir ki, AFFA-nın yeni yaratdığı Region Liqasının İşçi Qrupuna da bizim şöbə cəlb olunub. Çünki həmin liqanın təşkilatçılığında bizim şöbənin də rolu var”.

Buyurun, bu da Yusif bəyin manevri. Məsuliyyəti boynundan atır və özünün yalnız təşkilatçı olduğunu dilə gətirir. Günahkarları göstərmək üçün isə AFFA-nın İnformasiya və İctimaiyyətlə Əlaqələr Departamentinə ötürmə edir. Biz də bu qurumun rəhbəri Firuz Abdullanı arayırıq. Axı, Vəliyev cavabdeh insanları məhz onun göstərə biləcəyini deyib.

Firuz bəyin cavabı qısa olur: “Vəliyevin rəhbərlik etdiyi qurum Kütləvi Futbol Departamentinə tabedi. Həmin şöbənin rəhbəri isə Cahangir Həsənzadədi”.

Aha! Veteran qapıçımız hədəfdədi. Milli komandalarımızda məşqçi olmuş, son olaraq U-21-də Samir Ələkbərovla qalmaqalda adı keçən, “Səbail”in Müşahidə Şurasında təmsil olunmuş, “Mançester Yunayted” məktəbində çalışan, bir çox kurslarda və layihələrdə baş rolda olan Həsənzadənin daha bir vəzifəsi var imiş. Bir əldə 7-8 qarpız tutan, heç birində də fəaliyyəti qənaətbəxş olmayan Cahangir bəyi arayırıq.

Gün ərzində bir neçə dəfə Həsənzadəyə zəng vururuq, telefonu susur. Ya artıq AFFA-dan ona belə bir zəng gələcəyi ilə bağlı təlimat alıb, ya da həqiqətən işləri çox olduğundan danışa bilmir. Ümid edirik, bu yazını oxuduqdan sonra özünü müdafiə etməyə ehtiyac duyacaq, duymayacaqsa, deməli, günahkardı.

Həsənzadə xırda fiqurdu. Hazırkı anda Vəliyev onu hədəf göstərsə də, təbii ki, məsələ böyüyəndə başqalarının adı çəkiləcək. Rauf Əliyevi boşuna xatırlatmamışıq. Axı, bu adam həm də Uşaq Futbol Federasiyasının rəhbəridi.

Çoxsaylı vəzifələrdən doymayan Rauf bəyin birinci vitse-prezident ola-ola Uşaq Futbol Federasiyasına da rəhbər seçilməsi, ümumiyyətlə, absurddu. Çünki vitse kimi onsuz da bu təsərrüfatın ən yüksək vəzifə sahiblərindəndi. Zavod direktoru ikən hansısa sexdə baş usta olmağa nə gərək var?

Və uşaq futbolunda bu qədər problem var, texniki məğlubiyyətlərin sayı 3 aya 50-i keçib, illərdi heç bir istedad üzə çıxmır, milli komandalarda, klublarda yerli oyunçu qıtlığı yaşanır, illik 3 milyon manat havaya sovrulur. Vəziyyət kritik həddə çatıb və kimsə cavab verməlidi.

Yusif Vəliyev? Cavabını oxuduz, onluq bir şey olmadığını deyir.

Cahangir Həsənzadə? Danışmır, danışsa da, bu vəzifəyə yeni təyin oldunduğunu deyəcək.

Elxan Məmmədov? Baş katib vitse-prezident və federasiya prezidenti olan birinin kurasiyasında olan məsələyə görə ciddi ittiham olunmayacaq, əksinə, sevimli metodundan yararlanacaq – hesabat vermək lazım gələndə yalnız icraedici olduğunu deyəcək.

Rauf Əliyev? İndi onun açıqlamasını gözləyirik. Çünki Vəliyev faktiki özünün təşkilatçı olduğunu, uşaq futbolunun inkişafına cavabdeh şəxslərin başqaları, dolayısı ilə federasiya prezidenti olduğunu dilə gətirib. Buyursun, Rauf Əliyev cavab versin.

9 ildi AFFA-da çalışanYusif Vəliyev futbolçu karyerasını erkən başa vursa da, “futbolla əlaqəli olub”: “Ovaxtlar istər millinin, istərsə də klublarımızın keçirdiyi beynəlxalq görüşləri stadiondan izləmişəm. Tək-tük oyun olar ki, həmin matçları tribunadan izləmək imkanım olmayıb. 2002-2003-cü illərdə ovaxtkı “Şəfa” komandasında aşağı yaş qruplarında da oynamışam. Hətta milli bir dəfə rəqib tapa bilməmişdi və ikitərəfli oyun keçirməli olmuşdu. Onda Aleksandr Səmədov da milliyə gəlmişdi. Bax, həmin oyunda mən “Şəfa” stadionunda topdaşıyan uşaqlardan biri idim. Dizimdə zədəm olduğundan və universitetə hazırlaşdığımdan, futbolu erkən atmalı oldum”.

Vəliyevin hansı ampluada oynadığını bulmirəm, topdaşıyan kimi fərasətindən də xəbərim yoxdu. Amma yaxşı ötürmələr verir. Elə bu müsahibədə də bacarığını ortaya qoyub – əla ötürmə verib, “oyundaşı” tez-tez yaşıdları ilə oyunlarda qapıda dayanması ilə tanınan Rauf Əliyevlə üz-üzədi.

Mənə çox maraqlıdı: Berlində milyonları havaya sovuran, layihəsinin uğursuz olduğu AFFA prezidenti tərəfindən etiraf edilən Rauf bəy hansı məntiqlə Uşaq Futbol Federasiyasının rəhbəri seçilib? Bəlkə indiki məqamda günahkar elan edilmək üçün…

CAVAD

Əlaqəli xəbərlər:

Reklam

Ölkə futbolu2024-04-17 10:49

12 komandalı çempionat: necə etməli?

Ölkə futbolu2024-04-17 09:23

Mirzov “Neftçi”dən ayrılır: Premyer Liqadan təklifləri var

Ölkə futbolu2024-04-17 08:17

“Qarabağ”da özümü rahat hiss edirəm”

Milli komanda2024-04-17 12:23

Yığmamızın baş məşqçi postuna isveçrəli namizəd

Futbolinfo.az

Rauf Əliyev hədəfdə

Reklam

“Atletiko” 4 vidaya hazırlaşır

Azərbaycan çempionatında ikinci finalçı bəlli oldu

“Qusar”dan darmadağın

Liderdən növbəti qələbə

Millimizin heyətində dəyişiklik edildi

Azərbaycan şahmatçıları AÇ-də iştirak edəcəklər

“Roma” baş məşqçi ilə bağlı qərar verdi – RƏSMİ

Tanınmış şahmatçının qızı Azərbaycan çempionu oldu

İngiltərə kubokunun qaydaları dəyişdi

Şahmat Federasiyası yeni loqonun hazırlanması ilə bağlı müsabiqə elan etdi

“Arsenal” və “Liverpul”un eyni hədəfi

Van de Bek Almaniyada qalmayacaq

“Sxadadze gələndən sonra “Qəbələ”nin çempionatda qalmaq şansı artmadı”

Ferstappen planetin 100 ən güclü insanı arasında

MBA-da qaydalarda dəyişiklik edilir

“Neftçi” ilə oyunda basketbol bəxti üzümüzə gülmədi”

Qadın məşqçilərə diplomlar təqdim edildi

“Latsio” onunla müqaviləni yenilədi

Millimizin kapitanı Macarıstan çempionu oldu

Abasov bu gün hindistanlı şahmatçı ilə üz-üzə gələcək

Pusinin xarakter göstərmək zamanı: “Tanrı mənə kömək etdi”

İki futbolçuya 4 oyunluq cəza, iki komandaya texniki məğlubiyyət verildi

“Kəpəz”in futbolçusuna 4 oyunluq cəza

İntizam Komitəsi Premyer Liqa klublarını cəzalandırdı

Millimiz İnkişaf turnirində iştirak edəcək

Muradlı liderliyi davam etdirir

Yığmamızın Polşa toplanışı başa çatdı

“Hədəfimiz çempionluqdur” – “Azərreyl”in kapitanı

Azərbaycan gimnastları Dünya Kubokunun finalında

MBA-da daha bir cütlük məlum oldu

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm