Layihə
Kosovo seçimi: Məmmədyarov da Məmmədov kimi düşünür?
(əvvəli bu linkə)
Məmmədov müsahibəsinin davam…
Məmmədov müsahibəsinin davamında son günlərin ən qalmaqallı mövzusuna da toxunub və ciddi narazılıq doğuran addımına bəraət qazandırmağa çalışıb.
O, jurnalistin “Azərbaycan millisinin Gürcüstan yığmasının əvəzinə Kosovo ilə yoxlama matçı keçirməyə qərar verməsi müzakirələrə səbəb olub. Bu barədə nə deyə bilərsiniz” sualına maraqlı cavab verib: “Bununla bağlı məlumat vermişdik. Bu cür addımları atmazdan öncə Xarici İşlər Nazirliyi (XİN – red.) ilə məsləhətləşirik. Çünki hər şeyi başa düşürük. Bu, bizim ilk addımımız deyil. Kosovo Futbol Federasiyası FIFA və UEFA-ya üzv olmaq üçün müraciət edən zaman bu məsələ AFFA rəhbərliyi səviyyəsində müzakirə olunmuşdu. “Bakı 2015” I Avropa Oyunlarında Beynəlxalq Olimpiya Komitəsinin üzvü kimi Kosovo nümayəndə heyəti Azərbaycana gəlmişdi. Kosovo artıq FIFA və UEFA-nın da üzvüdür. Ötən il 21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində Kosovo ilə bir qrupda yer almışdıq. Həmin vaxt püşkatmadan dərhal sonra XİN-lə müzakirələr apardım və onlardan da müsbət cavab aldıq. Kosovo Futbol Federasiyası da AFFA kimi FIFA və UEFA üzvüdür. Ona görə də biz qaydalara hörmətlə yanaşmalıyıq. Bu səbəbdən, bir neçə ay əvvəl Azərbaycan və Kosovo yığmaları arasında “Dalğa Arena”da rəsmi oyun təşkil edildi. Həmçinin, bizim milli komandamız Kosovoya səfər etdi. İndiki halda isə bu, yoxlama matçıdır və 3-cü ölkədə keçiriləcək. Bunu da unutmamalıyıq. Bu görüş Azərbaycan və ya Kosovoda olsaydı, bu barədə düşünərdik. İndiki durumda isə problem görmürük. Təkrar edirəm: XİN-lə məsləhətləşmişik və müsbət cavab almışıq”.
Əvvəla, Məmmədov söhbəti rəsmiyyətlə pərdələməyə çalışıb. Mətbuatın tənqidi isə fərqli yöndə idi. Bizi maraqlandıran UEFA və FIFA-nın məcburiyyəti olmadan, Kosovonun könüllü şəkildə rəqib seçilməsidi. Bəli, püşkün nəticəsinə görə bu komandayla qarşılaşmaq qaçılmazdı. Lakin belə məcburiyyət olmadığı halda dövlətimizin tanımadığı ölkənin milli komandası ilə qarşılaşmaq düşmən dəyirmanına su tökməkdi.
Məmmədov bu məsələdə də məsuliyyəti bölüşüb. O, XİN rəhbəri Elmar Məmmədyarovu da zərbə altında qoyub. Guya ki, bu məsələdə AFFA İcraiyyə Komitəsinin üzvü olan nazirin rəhbərlik etdiyi qurumla məsləhətləşiblər. “İndiki halda isə bu, yoxlama matçıdır və 3-cü ölkədə keçiriləcək. Bunu da unutmamalıyıq. Bu görüş Azərbaycan və ya Kosovoda olsaydı, bu barədə düşünərdik” sitatı problemin olmasının etirafıdı. Məmmədov matçın Türkiyədə keçirilməsini problemin həlli kimi qabardır. Görəsən, millimiz Serbiyada toplanış keçsə idi, bu rəqiblə üz-üzə gələ bilərdikmi?
Özünü ağıllı göstərmək hələ ağıllı olmaq demək deyil. Ortada siyasi maraqlarımızı da silkələyə biləcək ciddi səhv var və buna görə Elxan bəy məsuliyyət daşıyır. XİN-lə müzakirələr püşkatmadan sonra aparılıb, yoxlama oyunu üçün məcburiyyət olmadan rəqib seçmək isə fərqlidi. Hələ gec deyil və Kosovoyla oyundan imtina etmək olar. İmtina edilməlidi ki, sabah oxşar oyunla gündəmə gələ biləcək Serbiyadan inciməyək. Onlar da yaramızın qaysağını qopara bilər. Boş yerə niyə problem yaradıb, özümüzə başağrı tapaq ki?..
FƏRİD
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-12 20:56
“Sumqayıt”la “Zirə”dən heç-heçə