“Neftçi”ni "döydülər"

Türkiyədə təlim-məşq toplanışında olan “Neftçi” bu gün hazırlıq çərçivəsində ilk yoxlama oyununa çıxıb.

Futbolinfo.az xəbər verir ki, Tərlan Əhmədovun yetirmələri Rusiyanın “SKA-Xabarovsk” komandası ilə qarşılaşıb. Görüş Bakı klubunun biabırçı məğlubiyyəti ilə başa çatıb. İlk yarıda 6 qol buraxan “ağ-qaralar” fasilədən sonra qapısında daha iki top görüb. Paytaxt təmsilçisi buraxılan qollardan sadəcə, birinini əvəzini çıxa bilib.

Qeyd edək ki, Rusiya Premyer Liqasında mübarizə aparan Xabarovsk təmsilçisi 20 turdan sonra 12 xalla sonuncu pillədə yer alıb.

Yoxlama oyunu
22 yanvar

Neftçi – SKA-Xabarovsk 1:8
Qol: M.Abbasov, 85 – Kabutov, 2; 89. Nikiforov, 8; 17; 49. Samsonov, 10; 20. Kalinski, 37.

“Neftçi”nin start heyəti: Rəşad Əzizli, Ruslan Abışov (k), Kirilo Petrov, İlkin Qırtımov, Məhəmməd Mirzəbəyov, Derlis Meza Kolli, Emin Mahmudov, Elnur Süleymanov, Rəhman Hacıyev, Fransisko Qarsia, Mirabdulla Abbasov

Ehtiyat oyunçular: Aqil Məmmədov, Elçin Əsədov, Fərid Abbaslı, İqnasio Errera, Roxdi Axente, İqor Sikorski.