Ölkə futbolu
Millimiz üçün iki tanış, bir yeni rəqib
Azərbaycan milli komandası UEFA Millətlər Liqasında yer aldığı…
Azərbaycan milli komandası UEFA Millətlər Liqasında yer aldığı 3-cü qrupdakı rəqiblərindən ən çox Malta yığmasıyla qarşılaşıb.
Futbolinfo.az xəbər verir ki, bu, 3 müxtəlif səviyyədə olub. Söhbət beynəlxalq turnir, yoldaşlıq görüşü və seçmə mərhələdən gedir.
Ümumilikdə 6 oyundan ibarət olan duellərin ilk 3-də rəqibə nəinki qalib gələ, qol da vura bilməmişik. Sonrakı 2 qarşılaşmanın hər ikisndə qalib gələn millimiz sonuncuda heç-heçə edib. Göründüyü kimi, balans maltalıların xeyrinədi – 2 qələbə, 1 heç-heçə, 3 məğlubiyyət, topların fərqi – 7-11.
Millimiz Farer adaları ilə cəmi bir dəfə üzləşib və bu, qeyri-rəsmi səviyyədə olub. Həmin yoldaşlıq görüşündə böyük hesabla qalib gəlmişik – 3:0. Özü də qollardan birini məhz millimizin hazırkı baş məşqçisi Qurban Qurbanov vurub.
Millimiz UEFA-ya yeni üzv olan Kosovoylasa heç vaxt qaşılaşmayıb. Ancaq ilk görüş cəmi 9 gün sonra reallşacaq. Belə ki, Azərbaycan və Kosovo yığmaları Türkiyənin Antalya şəhərindəki təlim-məşq toplanışı çərçivəsində fevralın 2-də yoldaşlıq görüşündə üzləşəcək.
Onu da nəzərə alaq ki, U-21 yığmamız Kosovo ilə bir qrupda mübarizə aparır və cari seçmə mərhələdə ilk xalını məhz onunla "Dalğa Arena"da qolsuz bərabərliklə qazanıb. Bu yığmamızın yeni baş məşqçisi, millimizin sabiq kapitanı Rəşad Sadıqovun debütü məhz Kosovoyla səfər matçında olacaq. Bu oyun martın 22-də keçiriləcək. (Sport24)
Azərbaycan və Malta yığmalarının qarşılaşmaları
19.04.1994 Ta Qali YO Malta – Azərbaycan 5:0
06.02.2000 Ta Qali BT Malta – Azərbaycan 3:0
17.04.2002 Ta Qali YO Malta – Azərbaycan 1:0
14.08.2013 Bakı YO Azərbaycan – Malta 3:0
28.03.2015 Bakı AÇSO Azərbaycan – Malta 2:0
06.09.2015 Ta Qali AÇSO Malta – Azərbaycan 2:2
Azərbaycan və Farer adaları yığmalarının görüşü
27.02.1996 Larnaka YO Azərbaycan – Farer adaları 3:0