Ölkə futbolu
Məsuliyyətsiz kapitanlar, mühakimə edilməyən “Neftçi”
Topaz Premyer Liqasında 15-ci tura yekun vuruldu. 4 oyundan ü&cc…
Topaz Premyer Liqasında 15-ci tura yekun vuruldu. 4 oyundan üçü heç-heçə biitdisə, “Neftçi”nin qalibiyyəti həftənin yeganə məğlubunu da müəyyənləşdirdi.
Turun ilk günündə baş tutan oyunlarda olduğu kimi, “Keşlə” – “Səbail” matçında tərəflər xal bölgüsünə razılaşdı. Baxmayaraq ki, təkcə Vüqar Nadirovun het-trik etmək üçün real şansları vardı. Amma qonaqların kapitan sarğısı ona “ağır” gəldi və təcrübəsi də soyuqqanlı oynamağına yetmədi. Belə israfçılığın qarşılığında heç-heçəni də debutant üçün uğur saymaq olar.
Əvəzində Kamran Ağayev “Səbail” üçün əla hədiyyə fikirləşmişdi. Sin vaxtlar ancaq səhvləriylə yadda qalan milli üzvü debüt matçındaca kapitan sarğısıyla mükafatlandırılmışdı. Halbuki yeni baş məşqçi Yuri Maksimov bu imtiyazı “Keşlə”yə sadiq futbolçulardan birinə verməliydi, intizamsız qolkiperə yox. Ağayevin insane keyfiyyətləri öz yerində, futbolçu kimi də qeyri-sabitliyi hesab açılarkən göründü. Fəhmin Muradbəylinin zərbəsi zamanıı yaxın dirəyə söykənmək qolu əngəlləmək üçün kifayət idi. Kamran isə…
Cavab qolu fasilədən sonra gəldi. Pərdis Fərcad Azad penaltini boşa versə də, az sonra qarşısıalnmaz zərbəylə səhvini düzəltdi. Lakin bu, “Keşlə”nin özünə gəlməsi üçün kifayət etmədi. Qonaqlar daha ağıllı oynayıb, lazımi nəticəni təmin etdi.
Fasilədən sonra ilk oyun olduğundan komandaların hazırlığına tam qiymət vermək olmur. Lakin ilk baxışdan görünən odur ki, “Keşlə”nin yeni əcnəbiləri səviyyəsi ilə rəhbərliyi utandıracaq. Bəlkə də klubun akademiyasında yetişən uşaqlara güvənmək bu qədər xərc çəkməkdən daha yaxşı olardı.
“Səbail”də də ciddi dəyişikliklər baş verib. Debütantın yeniləri haqda da qəti bir söz demək olmur, lakin onların qismən fərqləndiyini qeyd etməliyik. Xüsusilə Yevgeni Koçuku fərqləndirməliyik. Kərim Diniyev heç nədən penaltiyə səbəbkar olsa da, onun ilk dəfə mərkəz müdafiəçisi kimi oynadığını qeyd etməliyik. Baş məşqçi Samir Əliyevin ilk dəfə 5 müdafiəçili sistemdən yararlandığını nəzərə alsaq, bütün futbolçuların komanda futbolu sərgiləməsi üçün zamana ehtiyacı olacaq.
Heç-heçə sindromu “Neftçi” – “Kəpəz” matçının 86-cı dəqiqəsinə kimi qüvvədə idi. Lakin gəncəlilərin bir səhvi Mirabdulla Abbasovun Tərlan Əhmədovu ipdən almasına kifayət etdi. Qələbə bakılıları turun ən qazanclısı etməklə yanaşı, tənqidləri də səngitdi.
Məşqçi daha doğrusunu bilir, lakin zənnimizcə, Mirabdulla ehtiyatda qalacaq səviyyəli oyunçu deyil. İstər yoxlama matçlarında, istərsə də rəsmi oyunlarda həmişə az vaxtda çox iş görən bu oyunçu start heyətinə layiq bilinən Lukas Qomesdən daha yaxşıdı. Anlaşılandı, “ağ-qaraları”ın yeni hücumçusu start heyəti üçün alınıb, amma layiq olan formanı geyməlidi. Necə ki, kolumbiyalı Mayk Kampasın adı heç iştirak ərizəsinə salınmamışdı.
“Kəpəz” gözləniləndən daha diri çıxdı. Yunis Hüseynov yeni transferlərin sayəsində döyüşkən, baxımlı oynayan kollektiv formalaşdıra bilib. Gəncə şəhər rəhbərliyini də yardımı ilə xeyli yeni legioner alınıb və onlar çıxışı ilə utandırmadı. Düzdü, səviyyəsi həm də ucuz qiyməti ilə ölçülən bu oyunçulardan fantastik uğur gözləməyə dəyməz. Bununla belə, onlar Hüseynovun qurduğu oyun modeli üçün yararlıdılar.
Qoldakı səhviylə əməyinin üstündən xətt çəkən Quili Mandqaladze orta sahədə əla təmizləyicidicə, İqor Korotetski müdafiədə etibarlı idi. Qapıçı Sergey Litovçenko 2 əla seyvlə diqqət çəkdi, Dieqo Qusmao da hazırlıqsızlığını təcrübəsi ilə sığortaladı. Şadon Vinçester barədə danışmaq tezdi, lakin bu oyunçunun hazırlığı da qənaətbəxş sayıla bilməz. Maraqlıdı ki, məhz bu üzdən həm Dieqo, həm də Vinçester 2 real qol şansını boşa verməklə sonda “Neftçi”nin sevinən tərəf olmasına töhfə verdilər. Halbuki onlar şanslarını düzgün dəyərlənsəydilər, indi turnir cədvəlinin son pilləsində “Keşlə” qərarlaşardı.
FƏRİD