“Qəbələ”nin legioneri 1 aylıq sıradan çıxdı

“Qəbələ"nin ukraynalı legioneri Vitali Vernidub 1 aya yaxın oynamayacaq.

Futbolinfo.az xəbər verir ki, bu haqda sport24.az-a məlumat verən komandanın həkimi Roman Jolobaylyuk Topaz Premyer Liqasının 21-ci turunda "Sumqayıt"la ev oyununda zədələnənən mərkəz müdafiəçisini tam müayinə etdikdən sonra son durumu haqda dəqiq məlumatlı olduqlarını bildirib: 

"Vernidub hava mübarizəsindən sonra yerə uğursuz düşməsi nəticəsində zədələndi. Şükür Allaha ki, ayağında sınıq olmadı. Bu təhlükəni adlada bildik. Əks tərdirqdə Vernidub mövsümü vaxtından əvvəl başa vurmalı olacaqdı. Çünki qırılma 3-4 aylıq sıradan çıxması demək idi. Vitalinin ayağı burxulub və yaşıl meydana qayıdışı 3-4 həftədən sonra mümkün olacaq. Ayağına gips qoymuşuq, 2 həftə qoltuq ağacları ilə gəzməli olacaq. Bu müddətdə tam dinlənməlidi. Vətəninə getməsinə lüzum yoxdu. Elə burda qalacaq, müalicəsiylə özüm məşğul olacağam. Bundan sonra gips çıxarılacaq və yavaş-yavaş reabilitasiyasına başlayacağıq. Təxminən 1 ay sonra oynayacağını düşünürük".

Məlumdu ki, həmin qarşılaşmanın ikinci hissəsində "Qəbələ"nin digər futbolçuları – Stiven Monrozla Cavid Hüseynov da da zədə üzündən əvəzlənməli olublar. Ukraynalı həkim onların zədələrinin ciddi olmadığını söyləyib: "Hər ikisi növbəti turda oynaya biləcəklər. Cavid ayağında narahatçılıq hiss etdi və buna görə də baş məşqçi onu qorumaq məqsədilə əvəzlədi. Monrozda isə əzələsindəki zədə yüngüldü və həftəsonunadək tam hazır olmalıdı".