Ölkə futbolu
“Zirə”də anarxiya davam edir
“Zirə”nin böhranı bitmək bilmir. 2018-də qələb?…
“Zirə”nin böhranı bitmək bilmir. 2018-də qələbə üzü görməyən qəsəbə klubu 8 oyundu həsrətdədi.
Qış hazırlığının necə keçirildiyini bilmirik. Amma o dəqiqdi ki, fasilə dövründə alınan oyunçular heyətə uyğunlaşmayıb. Oyun dəst-xətti pozulub, futbolçularda özünəinam itib. Məşqçilər heyəti isə komandanı heç cür özünə gətirə bilmir.
Ayxan Abbasov son illər özünü ən yaxşı tərəfdən göstərib. Lakin görünür, o da tək qalınca yükün ağırlığına dözə bilmir. Klubda ən böyük sima odursa, qalanı təfərrüatdı. Nüfuzsuz, futbolçuların ciddiyə almadığı prezident Natiq İsmayılov bacarıqsızlığını sübut edir, klubun sahibləri isə ortada görünmür. Əslində, indiyə kimi də belə olurdu. Amma birzamanlar Vüqar Astanov var idi, o gedəndən sonra isə Rəşad Sadıqov gizlincə komandanı idarə edirdi.
İndi “Qarabağ”ın kapitanı da “Zirə”yə vaxt ayıra bilmir. Rəşad klubunda meydana çıxır, ağdamlıların U-19-na rəhbərlik edir, millilərdən U-20 və U-21-in rəhbəridi. Hələ onun əsas milli komandaya futbolçu kimi qayıdışı da mümkündü. Millilərdə, klubda bir sıra təşkilati işlərin rəhbəri olan Sadıqov təsəvvür etmədiyimiz qədər yüklənib. İsveçrədən, PRO kurslarıyla bağlı seminardan qayıdan kimi, məşq etmədən “Qarabağ”ın heyətində oyuna şıxması peşəkarlıq göstəricisi olmasa da, ona olan ehtiyacdan irəli gəlirdi.
Belə gərgin qrafikli birinin “Zirə”yə vaxt ayıra bilməməsi normaldı. Amma belə olanda da qəsəbə klubunun idarəçiliyi iflic vəziyyətə düşür. Nəticələrdən xəbərdarsız. Vəziyyət o qədər pisdi ki, Sadıqov vaxt azlığına baxmayaraq, srağagün komanda məşqçilərini başına toplayaraq, vəziyyətdən çıxış yollarını arayıb.
Əslində, “Zirə”də rəhbər çatışmazlığı, klubun yükünün ancaq məşqçilərin boynuna yüklənməsi hələ ilin əvvəlindən hiss olunur. Ayxan Abbasovun Qəbələdə vurulması, buna klub tərəfindən heç bir reaksiya verilməməsi anarxiyanın göstəricisi idi. Elə atılan o kəllənin nəticəsidi ki, “qartallar” indiyədək özünə gəlməyib, hamı onları ayaqlayıb keçir.
Klub o qədər ciddiyə alınmır ki, hakimlər də “Zirə”nin haqqını asanlıqla yeyir. Son turun “Qəbələ”ylə ev matçında rəqibin qapısına aşkar penaltinin təyin edilməməsi, komandadan heç kimin buna reaksiya verməməsi qapazaltı olmağın göstəricisidi.
“Zirə”nin yiyəsi Orxan Məmmədovun nə işlə məşğul olduğunu bilmirik, lakin klubda vəziyyət çox pisdi. Bu, təkcə idman nəticələri ilə bağlı deyil, həm də ümumi idarəçilik bərbaddı. İşçilər məsuliyyətini o qədər itirib ki, son turda başqa bir biabırçılığa hamı şahid oldu. Stadiondakı elektron lövhənin işləməməsi səhlənkarlığın nəticəsi idi. Vaxtında enerjiylə təmin edilməyən əl tablosunun əvəzinə, dəyişilən oyunçuların, hissələrə əlavə olunan vaxtın göstərilməsində problem yaranmışdı, hakimlər boğazlarına güc verirdi.
Maraqlıdı ki, tablonun enerji ehtiyatının təmin edilməsi problemi harada da olsa, məhz “Zirə”də olmamalıydı. Çünki klubun sponsoru elə enerji xidməti göstərən şirkətdi. Balababa Rzayevin qənaətə klubdan başlaması heç inandırıcı deyil.
“Zirə”nin durumu ortadadı. Mövsümün sonunda avrokuboklara vəsiqə əldən verilsə, rəhbərlik özünü qınamalı olacaq. Daha az büdcə ilə daha çox iş görən “Sumqayıt”, tempi artıran “Neftçi” bu səhvi bağışlmayacaq.
FƏRİD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib