Premyer-liqa
Böyükağa Hacıyevin “barmağı”
Çempionlar Liqasının təsnifat mərhələsində "Skender…
Çempionlar Liqasının təsnifat mərhələsində "Skenderbeu" məğlubiyyətindən sonra istefa verən Böyükağa Hacıyev "Neftçi"ni "öyrətmək"də davam edir. Belə ki, hazırkı müşavirin Tərlan Əhmədovdan sonra yeni təyin olunmuş Nazim Süleymanovun da işinə "barmaq" etdiyi haqda xəbərlər yayılıb.
Tərlan Əhmədovun geridə qalan qalan 10 turda Hacıyevin qurduğu taktika ilə çıxış etməsi sirr deyil. Hər kəs bu sistemin çökəcəyini söyləyirdi və nəhayət "Böyük sistem" Naxçıvanda süqut etdi. Bu yükü isə Əhmədovun çiyinləri qaldıra bilmədi və komandadan getdi. Daha doğrusu göndərildi…
Sadıq Sadıqovun başçılıq etdiyi klub yeni qurban axtarışına çıxdı. Elə bir qurban ki, səsini çıxartmayaraq "zəif"in əmrlərinə qeyd-şərtsiz tabe olsun. Artıq atılan ox Nazim Süleymanova da dəyib. Süleymanov isə hər kəsin gözlədiyi kimi səssiz qalmadı. Millinin məşqçinə böyük ümid bəsləyən "ağ-qaralar" növbəti qalmaqalın hədəfinə çevrildi.
Son məlumata görə (apasport.az), Nazim Süleymanov məşqçilər korpusunda Gəray Qarayevin də xidmətindən yararlanmaq istəyib. Lakin əzəldən Qarayevlə düşmən olan Hacıyev bunu əngəlləyəcəyini bildirib. Süleymanov ictimaiyyətə təqdim olunarkən "Böyükağa Hacıyev Əhmədovun işinə barmaq etdi, sizin də işinizə qarışacaq?" sualına "Bu barədə heçnə deyə bilmərəm. İşləyərik, görərik" cavabını vermişdi. Artıq işləyib "barmağ"ı görən Süleymanov Gəray məsələsində geriyə addım atmaq məcburiyyətində qalıb.
Məsələylə bağlı Gəray Qarayevin də fikirlərini öyrənmək istədik. Lakin Qarayev sərt şəkildə "Mən bu haqda danışmaq istəmirəm" cavabını verdi. Görünür, həqiqətən də fiziki hazırlıq üzrə məşqçinin əsəbləşdirən "zəif"in onun gəlişinə mane olmasıdı.
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı