Müsahibə
Rəhman Hacıyev: “Bu söhbətlərin bizə dəxli yoxdu”
“Neftçi”nin yarımmüdafiəçisi Rəhman …
“Neftçi”nin yarımmüdafiəçisi Rəhman Hacıyev “Qarabağ”la oyundan sonra jurnalistlərin suallarını cavablandırıb.
Futbolinfo.az sizi həmin müsahibə ilə tanış edir:
– Qələbəni ancaq rəqibin səhvi ilə əlaqələndirmək lazımdı?
– Rəqib səhv etdi və ondan yararlandıq. Buna baxmayaraq, “Qarabağ” oyundan qopmadı, biz də təzyiq göstərdik və qələbə qazandıq.
– Oyunöncəsi komandada gərginlik var idimi?
– Mövsümün sonudu, üçüncülük uğurunda yarışı davam etdirmək üçün bu matçı mütləq qazanmalı idik. Şükür olsun ki, bunu bacardıq. “Sumqayıt”la bir xal fərqimiz var (əslində xallar eynidi – red.) üçüncülük üçün sona qədər mübarizə aparacağıq.
– İkinci hissədə futbolçular ağır hərəkət edirdilər. Komandada fiziki cəhətdən problem var?
– Xeyr, problem yoxdu. Sadəcə, mövsümün sonudu. Bu da özünü hiss elətdirir. Buna rəğmən sərfəli hesabı saxlaya bildik.
– Oyunun sonlarına yaxın komandanız üst-üstə qol vəziyyətləri yaratsa da, oyunçular arasında sanki anlaşma çox zəifdi. Qomez bir neçə epizodda ötürmə verməli olduğu halda özü vurdu və əlverişli vəziyyəti əldən buraxdı…
– Futbolçudu, meydanda hərənin öz fikri olur. O da vurmağı seçdi. Normal şeydi.
– Komanda daxilində söz-söhbətlə bağlı nə deyə bilərsiniz?
– Rəhbərlik və məşqçilərin öz aralarında olan bir şeydi. Bizə dəxli yoxdu.
– İndiki məqamda Tərlan Əhmədovun yerinə kiminsə gəlməsi sizə ziyan verərmi?
– Tərlan müəllim gələndə komanda aşağı pillədə idi, yaxşı nəticə göstərdi. Amma dəyişsə, biz peşəkar oyunçularıq, öz oyunumuza baxmalıyıq. Amma istərdik ki, Tərlan müəllim qalsın.
– Təqvimə baxanda hansı komandanı avrouboklar üçün daha şanslı saymaq olar?
– Biz bütün oyunlara qələbə üçün çıxacağıq.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”