Ölkə futbolu
Qiymət, dəyər…
Dünyada futboldan pul qazanmayan ölkə yoxdur – Azərbaycand…
Dünyada futboldan pul qazanmayan ölkə yoxdur – Azərbaycandan savayı. Bizim hökumət futbolun mövcudiyyəti üçün dotasiya – qarşılıqsız maddi yardım ayırır. Bu da unikal bir sistemdir.
Məsələn, Avropada futboldan çox qazanan ölkənin nəticələri yaxşı, az qazananınkı isə pisdir. Yəni nəticə ilə qazanc, yaxud əksinə proses düz mütənasibdir. Əsas odur ki, itki yoxdur.
Bizdə?
Çempionatın liderindən autsayderinədək büdcəsini müstəqil bazardan formalaşdırmır. Bilet satışı, teleyayım kimi ana sütun proseslər peşəkar tətbiq edilmirsə, bu məsələnin xırdalanmasına gərək belə qalmır.
Bizim futbolda iqtisadi proses getmir və pul itkiyə qurban gedir.
Yəni yuxarıda həqiqəti bir daha çılpaqlığıyla ortaya qoyduq. Belədə SOCAR-dan asılı olmayan bir klubun halal-xoş nəticəsiylə TPL-ə buraxılmaması nəylə izah ediləcək ki?
* * *
Qurban Qurbanov bizim gözümüzdə Azərbaycan futbolunun xilasi; sistemə salınması üçün ixtiyar verilmiş obrazıdır. Onu ölkə prezidenti istəyib, o posta təyin edilib. Və o, buradək öz bacarığı, nəticələriylə gəldi.
Bunadək Azərbaycan futbolunun maya dəyəri də yox idi, qiyməti də. Məhz bundan sonra bunu yaratmaq, formalaşdırmaq lazımdır və bu prosesin başlaması Qurbanovgilin ciddi islahatlarından asılıdır. Onlar yeni epoxa olmağı bacarmalıdılar. Başkatibistan sistemi geridə qalan 10 ildə bunu istəmədiyini bariz şəkildə ortaya qoyub. İndi Qurbanovgilin bu səlahiyyətdə fərqi məhz bu ola bilər.
Onların öz komandası olmalı və o komandada "beyin mərkəzi", "təcrübə batalyonu" və s. qruplar formalaşmalıdır. Məhz bu format real nəticələrə götürməyə yarayar. Sənin komandanda "beyin mərkəzi" yoxdursa, bəddua olmasın, heç vaxt yaxşı nəticə götürəyəcəksən…
* * *
Dünən "Qarabağ" – "Neftçi" qarşılaşmasına meydan sahibinin azarkeşlərinin hazırlığını gördünüz? O cür xareoqrafiya, izdiham və s. Ancaq bu haqda paylaşım edən heç bir sayt, sosial şəbəkə subyekti baxıcı reytinqi qazanmadı. Bilirsiniz niyə?
Çünki "Xəzər" TPL-ə buraxılmayacaq şübhələri baxıcılarda Azərbaycan futbolunun idarəçi dürüstlüyünə şübhə yaradıb. Çünki bunadək I Diviziondan TPL-ə yüksələnlər qarşısında bu qədər bayrer qoyulmamışdı – insanlar bunu gözəl sezir. Çünki ölkə çempionatında çox oyunların "danışılmış nəticələr" məhsulu olduğuna dair dedi-qodular səngimir.
Bu cür vəziyyət heç vaxt sənin görəcəyin işə baxıcı sayı qazandırmayacaq. Ya sən uğurlu şou təqdim etməyi bacarmalısan. Ki, bununçün də az əvvəl qeyd edilən – "beyin mərkəzi" yoxundu. Yainki də idman nəticələrin əhəmiyyətli həddə yaxşılaşmalıdır – "təcrübə batalyonu" formalaşmayıb…
Beləliklə sən yararlı məhsul kimi qəbul olunmayacaqsan. Səni "yemək" istəyən tərkibinin zərərsiz olduğuna inanmalıdır.
Buna onu inandırmaqçün nəsə etmisənmi?
– TV verilişlərin makulatura analitikası
– İcraiyyə Komitəsinin iclaslarından gurultulu qərarların çıxmaması
– Ölkə çempionatında yarıdan çox klubun AFFA büdcəsindən maliyyələşməsi və uğursuz idarə edilməsi
– Maxinasiya faktlarının aşkarlanması, lakin araşdırmaların sona çatdırılmaması
– Təyin olunan yeni kadrların yeni ideyalara səbəb olmaması
Çoxlu bu cür hallar var ki, Azərbaycanda futbolu qiymətə, dəyərə minməyə qoymur.
Problemdən çıxış yolu? – Elə problemin üstünə getmək… (Futbolpress.az)