Ölkə futbolu
EKOL “gümüş” ümidini son tura saxladı
Bu gün futzal üzrə Yüksək Liqada 17-ci və 24-cü…
Bu gün futzal üzrə Yüksək Liqada 17-ci və 24-cü turdan təxirə salınmış 2 oyun keçirilib.
Futbolinfo.az xəbər verir ki, günün ilk matçında gümüş və bürünc medallara iddialı komandalar qarşılaşıb. Daha doğrusu, ikinci yer uğrunda mübarizəni davam etdirmək üçün EKOL-a qələbə qazanmaq, ümidini son tura qədər davam etdirmək lazım idi. Onu da qeyd edək ki, cari mövsümdə 3 dəfə qarşılaşan bu komandaların duellərində üstünlük debütantın tərəfindədi. Ona görə də, məğlubiyyətdən başqa bütün nəticələr “Marafon Futsal”a sərf edirdi. Oyunun gedişində hesabda öndə olan debatant yekunda məğlubiyyətdən qaça bilməyib.
Digər duel də gərginliyi ilə yadda qalıb. Fasiləyə qolsuz heç-heçə ilə yollanan tərəflərdən “İtaldizain Futsal” ikinci hissədə 3 qol vurub və cütün taleyini lehinə həll edib. Bununla da debütant mövsümü 4-cü pillədə qapayacağını təmin edib. Asif Zeynalov isə komandasının Yüksək Liqada 100-cü qolunun müəllifi olub.
Yüksək Liqa
17-ci turun oyunu
7 may
“İtaldizain Futsal” – “Neftçi” İK 3:0
Qollar: Nihad İsmayılov, 24:42. Elşən İbrahimxəlilov, 35:29. Asif Zeynalov, 38:17.
Qırmızı vərəqə: Məhəmməd Katebi, 35:11 (“Neftçi”).
Hakimlər: Yusif Nurullayev, İnqilab Məmmədov, Kənan Məlikov
Bakı İdman Sarayı. Saat 16:30.
24-cü turun oyunu
7 may
EKOL – “Marafon Futsal” 4:3
Qollar: Əsgər Abasov, 2:13, 36:33. Namiq Məmmədkərimov, 10:59, 34:25 – Elyas Barati, 1:38. Omid Talebi, 5:12. Saeid Goodarzi, 25:57.
Hakimlər: Elçin Məmmədov, Ramil Namazov, Azad Hüseynov .
Bakı İdman Sarayı. Saat 14:30.
Turnir cədvəli: Araz – 62, Marafon Futsal – 46, EKOL – 44, İtaldizain Futsal – 32, Neftçi İK – 29, Yasamal – 16, Xəmsə – 2.
Bombardir: Thiaqo Telez Bolinya (“Araz”) – 34 qol.