Ölkə futbolu
Viktor üçün mövsümün oyunu
“Zirə”nin təcrübəli oyunçusu Viktor İqbeko…
“Zirə”nin təcrübəli oyunçusu Viktor İqbekoyi Avropa Liqasında oynayacaqlarına ümid edir. Son turda “Səbail” üzərində səfər qələbəsi ilə özünə gələn “qartallar”ın legioneri bu tempi davam etdirəcəkləri halda hədəfə çatacaqlarına inanır.
– "Səbail"lə oyunda ilin ilk qələbəsini qazandınız…
– Son oyun çox yaxşı oldu. 3 xal üçün getmişdik və qazandıq. Buna görə çox sevinirik. Bunu davam etdirib, xallar qazanmalıyıq.
– Razısan ki, çox çətin qalibiyyət oldu?
– Onsuz da hər oyunumuz çətin keçir. Əvvəlcədən də bilirdik ki, gərgin qarşılaşma olacaq. Buna hazır idik.
– Avropa Liqasına getmək şansınız nə qədərdi?
– Mövsümün sonunda görəcəyik. Biləcəyik ki, qitəmiqyaslı turnirdə oynayacağıq, ya yox. İndi danışmaq üçün tezdi. Hər oyun çətindi və buna hazır olmaq lazımdı. Son iki oyunumuzda qalib gəlməliyik. Biri ev, digəri səfər oyunudu.
– Bəs, bürünc medallara ümid edirsiz?
– Bu barədə nə deyə bilərəm ki? Hər zaman yaxşı haqqında düşünürük.
– Səncə, "Səbail" üzərində qələbə komandanı uçurumdan çıxaracaq?
– Sona qədər döyüşüb, özümüzü yaxşı tərəfdən göstərəcəyik. Heç bir oyunda uduzmamalıyıq. Bir qələbə hər şeyi dəyişə bilər. Son qələbə əhval-ruhiyyəyə təbii ki, təsir edib. Ümid edirəm ki, komandadakı hər şey də tam dəyişib. Bunun davamı olmalıdı.
– Razısan ki, mövsümün oyunu "Sumqayıt"la qarşılaşma olacaq?
– Razıyam. Həmin matç mövsümün oyunu olacaq. Amma bundan əvvəl "Kəpəz"lə oyunu düşünürük.
– Şəxsi durumun necədir? Komandada qalacaqsan?
– Mövsümün sonunda müqaviləm bitir. Amma hələlik burdayam. Müqavilə haqqında danışmaq üçün hələ tezdi.
AĞA
- Ölkə futbolu2024-05-26 09:00
Avrokubokdan kənar qalmaq “Neftçi”nin xilası üçün şansdır
- Ölkə futbolu2024-05-27 09:55
Rezabala “Sumqayıt”da qalacaq
- Ölkə futbolu2024-05-27 08:00
Mövsüm Diakabinin hədiyyəsi ilə bitdi
- Premyer-liqa2024-05-25 21:02
“Zirə”, “Sabah” və “Sumqayıt” avrokuboklara vəsiqəni təmin etdilər!