Premyer-liqa
Roman Qriqorçuk: “Qarabağ”la Bakıda oynamağa razı olaram”
“Qəbələ”nin baş məşqçisi Roman Qriqorç…
“Qəbələ”nin baş məşqçisi Roman Qriqorçuk səfərdə "Sumqayıt"ı 2:0 hesabı ilə yendikləri Topaz Premyer Liqasının 27-ci tur matçından sonra fikirlərini bölüşüb.
Futbolinfo.az xəbər verir ki, ukraynalı mütəxəssis mətbuat konfransında öncə bunları deyib:
– Uşaqların hər birinə afərin. Çox çalışdılar. Hesab bizi qane etdiyi halda, daha bir qol vurdular.
– Son oyunda əsas heyətə güvənəcəksiz, yoxsa…?
– Ehtiyat heyət söhbəti yoxdu. Meydana kim hazırlıqlıdırsa, o çıxacaq. Rəqibimiz "Qarabağ"dı. Qələbə əldə etməyə çalışmalıyıq. Bu görüş bizim kubok finalından öncə inkişafımıza kömək edəcək.
– Düşünmürsüz ki, bu görüşdə ustalıq səviyyəsi daha çox rol oynadı?
– Ustalığı müzakirə etmək, "Sumqayıt"la özümüzü müqayisə etmək istəməzdim. Ustalıq səviyyəmiz olduğu üçün imkanlarımızı qola çevirdik.
– Filip Ozobiçi süni örtüyə görə oynatmadınız, yoxsa zədəsi var idi?
– Kiçik zədəsi var. Xüsusən, süni örtükdə oynaması məsləhət görülmədi. Lakin gələn oyunda vəziyyətinə baxacağıq.
– Yuri Maksimovla münasibətlərinizin qaydasında olmadığı deyilir…
– Bunlar yalan söhbətlərdi. Maksimovla münasibətlərimiz normaldı və heç bir soyuq münasibətdən söhbət gedə bilməz. Ukrayna mətbuatı nəyə görə belə yazmalıdı? Heç vaxt belə yazan olmayıb. Heç yerdə bunu görməmişəm. Kimsə yazıbsa, gətirib göstərin. Maksimov da eyni cavabı verəcək. Futbolda heç nədən qorxmaq olmaz. Şadam ki, "Qəbələ"nin baş məşqçisi kimi finalda oynayıram. Bu, komandam üçün çox vacibdi. Qələbə qazanmaq və maksimumumu ortaya qoymaq istəyirəm.
– "Qarabağ"a qarşı ciddi mübarizə aparacağınızı dediniz. Belə olan halda oyunun Bakıda keçirilməsinə necə yanaşırsız?
– Mənə belə desələr, Bakıda oynamağa razı olaram. Çünki oyundan sonra mükafatlandırma olacaq. Bu barədə rəhbərliklə də söhbətim olub. Etirazım olmayacaq. (Sport24)